नागरिक रैबार/बाजुरा २३ असार। बुढीगंगा नगरपालिकामा आज विहान ७ बजेबाट पुनः मतदान भईरहेको छ । यस अघि बैशाख ३० गते भएको मतदान स्वतन्त्र र निष्पक्ष रुपमा नभएको भन्दै निर्वाचन आयोगले रद्ध गरेको थियो ।
बैशाख ३० मा भएको निर्वाचनलाई आयोगले रद्ध गरेपछि आज विहान ७ बजेबाट भईरहेको मतदानका क्रममा केही मतदान केन्द्रमा छिट््पुट घटना भएको भएपनि अहिले सवै ठाउँमा शान्तिपूणर् रुपमा मतदान भईरहेको जिल्ला प्रहरी कार्यालय बाजुराका प्रहरी प्रमुख सुर्य थापाले बताएका छन् ।
विहानबाट भएको बुढीगंगा नगरपालिकाको १० वटै वडामा अहिले २ बजेसम्म ५९ दशमलव ६३ प्रतिशत मत खसेको जिल्ला निर्वाचन कार्यालय बाजुराले बताएको छ ।
यस्तै दिउसो २ः३० बजेसम्म नेपाली काँग्रेसबाट मेयरका उम्मेदवार समेत रहेका रंगबहादुर खातिको गृह वडा हो । थुमा माविको मतदान स्थलको (क) मतदान केन्द्रमा ५ सय ३० र(ख) मा ६ सय १ मत खसेको मतदान अधिकृत हर्कबहादुर सिंहले बताएका छन् ।
यस अघि बैशाख ३० मा भएको निर्वाचनमा १ हजार ७ सय ९ जना मतदाता रहेको थुमा माविको मतदान केन्द्रमा १६ सय ९९ मत खसेको थियो ।
आज भइरहेको बुढीगंगाको मतदानमा मतदातालाइ शान्तिपूर्ण र भयरहित बातावरणमा मतदान गर्नका लागि १ हजार बढी सुरक्षाकर्मी परिचालन गरिएका छन् ।
फेसबुक प्रतिक्रियाहरु