काठमाडौं, १२ कात्तिक । नेपाली फिल्म बेग्लै पहिचान बनाउन सफल महानायक राजेश हमाल अब गायक पनि भएका छन् । महानायक हमालले आफ्नो आवाजमा पहिलो पटक अनामनगरस्थित वेभ स्टुडियोमा ‘मन बुढो भएन’ बोलको रोमाण्टिक थिममा रहेको गीत रेकर्ड गराएका हुन् ।
उक्त गीतमा संगितकार दीपक शर्माको शब्द तथा संगित र नरेन्द्र वियोगीको एरेन्ज रहेको गीतमा हमालसहित एलिना चौहान, सुवास पुरी र बेनिशा पौडेलको आवाज रहेको छ । हमालकै इच्छामा उनलाई सुहाँउदो गीत दीपक शर्माले तयार पारेका थिए ।
महानायक हमाललाई संगितकार शर्माले २ पटक सम्म अभ्यास गराएर स्टुडियोमा रेकर्ड गराएका हुन् । सोही गीतको म्युजिक भिडियो निर्माणमा जुटेको निर्माण पक्षले जनाएको छ । उक्त भिडियो तिहारभन्दा अगाडी नै सार्वजनिक हुने बुझिएको छ । राजेश हमाल हाल फिल्म सत्यम्को लागि वर्कसपका लागि धम्पुुसमा छन् ।
फेसबुक प्रतिक्रियाहरु