नागरिक रैबार/बाजुरा २६ जेठ । बाजुराको बडीमालिका नगरपालिका वडा नम्वर ९ को वडा सभा सम्पन्न भएको छ । नगरपालिकाबाट वडाका लागि आर्थिक वर्ष २०८२/८३ वित्तिय समानीकरण अनुदान अनुसार पुजिंगत तर्फ २४ लाख २४ हजार २० हजार र चालु तर्फ १ लाख ३० हजार गरी २५ लाख ५४ हजार २० रुपैयाँ रहेको छ ।
वडा सभामा १६ वटा टोल तथा वस्ती स्तरबाट आएका योजनाहरुलाई दिगो विकासको लक्ष्यमा टेवा पुगाउने गरी यस वर्षका योजना छनोट गरेर नगर सभामा पठाउने वडा अध्यक्ष सुर्यकिरण विकले बताएका छन् ।
आर्थिक वर्ष २०८२/८३ मा वडामा कृषि, शिक्षा, स्वास्थ्य, रोजगार, खानेपानी पर्यटन, सरसफाई लगायतलाई विशेष प्राथमिकतामा राख्ने योजनाहरु छनोट गरेर नगरसभामा पेश गर्न वडा वासीले वडा समितिलाई अनुरोध गरेका छन् ।
वडा नम्वर ९ का वडा अध्यक्ष सुर्यकिरण विकको अध्यक्षतामा सम्पन्न भएको वडा सभामा कार्यपालिका सदस्य राजेश पायल विक, माओवादी केन्द्रका मानबहादुर विक, एमाले जिल्ला कमिटी सदस्य माया खड्का, सरिता नेपाली लगायत टोल समितिका पदाधिकारीहरु लगायतको सहभागिता रहेको थियो । बडीमालिका ९ को वडा वडा कार्यालयमा सम्पन्न भएको वडा सभाको संचालन वडा सचिव सुनिता सुनारले गरेकी थिईन् ।
फेसबुक प्रतिक्रियाहरु