नागरिक रैबार/बाजुरा २६ जेठ। बाजुराको त्रिवेणी नगरपालिकाले  बुढीगंगा नगरपालिकाकाे बाम्का बजारका आगलागी पीडितका लागि १० लाख सहयोग गर्ने भएकाे छ ।

नगरपालिकाको जेठ २४ गते बसेको कार्यपालिकाको निर्णय अनुसार बाम्का बजारका आगलागी पीडितका लागि १० लाख  रुपैयाँ सहयोग गर्ने निर्णय गरेको नगरप्रमुख कर्णबहादुर थापाले जानकारी दिए ।

गएको शुक्रबार साँफे मार्तडी राजमार्गमा पर्ने बुढीगंगा नगरपालिका ६ स्थित बाम्का बजारको नवदुर्गा होटलमा खाना पकाउने ग्यास सिलिण्डर पड्कीएर ३५ बढी पसलहरु जलेर नष्ट भएका थिए । आगलागी बाट करिव १९ करोड बढीको क्षति भएको थियो ।

बाम्का बजारका अग्नि पीडितको राहत तथा उद्वारका लागि अहिले बुढीगंगा सहित जिल्लाका अन्य पालिकाले सहयोग गरिरहेका छन् ।

आगलागी पिडितका लागि अहिलेसम्म बुढीगंगा नगरपालिकाबाट ५ लाख, त्रिवेणी नगरपालिकाबाट १० लाख, बुढीनन्दा नगरपालिकाबाट १ लाख र स्वामीकार्तिक खापर गाउँपालिकाबाट १ लाख १ हजार १ सय सहयोग गर्ने निर्णय भइसकेको छ ।