नागरिक रैबार/बाजुरा १८ माघ।बाजुरामा करिव ४ महिनापछि भारी वर्षासंगै हिमपात भएको छ । लामो समयको अन्तरालपछि वर्षासंगै हिमपात भएपछि कृषकहरुले लगाएको हिउँदे बाली सप्रिने भएको छ ।
भदौको अन्तिम सातापछि बाजुरामा वर्षा भएको थिएन् । बुधबार रातीबाट बाजुराका उच्च हिमाली भेगमा हिमपात र वर्षा निरन्तर भईरहेको छ ।
४ महिनापछि एकाएक बर्षासंगै हिमपात भएपछि सुक्न लागेको हिउँदे बाली सप्रिने कृषकहरुले बताएका छन् । वर्षासंगै हिमपात भएपछि जिल्लामा चिसोले जनजिवन कष्टकर बनेको छ ।
विज्ञापन
लगातार पानी र हिमपात भएपछि सदरमुकाम मार्तडी बजार क्षेत्र सहीत गाउँका विद्यालय बन्द गर्नु पर्ने अवस्था देखिएको छ । घर बाहिर आएर हिँडडुल गर्न नै समस्या देखिएको छ । हिमाली गाउँपालिकाको बिच्छ्या, क्षेत्र, स्वामिकात्र्तिक खापर गाउँपालिका, बुढीनन्दा नगरपालिकाको कोल्टीको कुरु, पाण्डुसैन, खप्तड छेडेदह गाउँपालिकाको काँडाडा, रान, आटीचौर, बडीमालिकाको ढम्कने, गौमुल गाउँपालिकाको अम्लीस, पाते गर्जे, तल्दुगन, मल्गुदनमा हिमपात भएको छ ।
बडिमालिका र बूढीनन्दा नगरपाकिालको सिमाना पोरखे लेकमा बाक्लो हिमपात भएको छ । मार्तडी कोल्टी सडक अवरोध भएको प्रहरीले बताएको छ । हिमपात र बर्षाका कारण ग्रामीण भेगका कच्ची सडकहरू हिलाम्मे भएकाले सडकमा यात्रा गर्न र गराउन समस्या भएको यातायात व्यवसायीले बताएका छन् ।
फेसबुक प्रतिक्रियाहरु