नागरिक रैबार/बाजुरा १ चैत्र। जिल्लाको बुढिगंगा नगरपालिकाले सेवा क्षेत्र भित्रका नागरिकलाई लक्षित गरेर एक महिने कटाई सिलाई स्तरोन्नती तालिम संचालन गरेको छ ।

बुढीगंगाका नागरिकहरुलाई कटाई सिलाई बाटै जीविकोपार्जन गर्न सहज होस भन्ने उद्देश्यले उक्त तालिम संचालन गरिएको नगरपालिकाका मेयर रामबहादुर बानियाँले बताएका छन् ।

कटाई सिलाई सम्वन्धि घरमै काम गरिरहेका युवाहरुलाई व्यवसायीक बनाउने उदेस्यले सो तालिम दिन लागेको मेयर बानियाँले बताएका छन् ।

विज्ञापन

बुढिगंगा नगरपालिकाको आयोजना र घरेलु तथा साना उद्योग कार्यालय बाजुराको साझेदार र साहस नेपालको सहकार्यमा उक्त तालिम आजबाट फालासेनमा सूरु गरिएको हो । एक महिने कटाई सिलाई तालिममा सहभागिहरुलाई कोट, पाइन्ट, निजामति पोषाक सिलाई गर्ने सम्वन्धि सिकाईने भएको छ । तालिममा नगरभित्रका १० जना बढी सहभागि छन् ।

स्वास्थ्य शाखा प्रमुख दीपक शाहको अध्यक्षतामा संचालन गरिएको तालिमको आज एक कार्यक्रमका विच बुढीगंगाका मेयर रामबहादुर बानियाँले उद्ध्घाटन् गरेका छन् ।

कार्यक्रममा बिशिष्ट अतिथि जिल्ला समन्वय समिति बाजुराका सदस्य हिक्मत थापा, घरेलु तथा साना उद्योग कार्यालय बाजुराका प्रमुख मान बहादुर चाँड रहेका थिए ।

घरेलु तथा साना उद्योग बिकाश कार्यालय बाजुरामा पदम ऐरले संचानल गरेको सो कार्यक्रममा पत्रकार, कटाई शिलाई तालिमका प्रशिक्षक लगायत तालिमका सहभागीहरुको उपस्थिती रहेको थियो ।