हेटौंडा : नेपाली कांग्रेसका वरिष्ठ नेता शेखर कोइरालाले अब वर्तमान सरकारको विकल्प खोज्नुपर्ने समय भएको बताएका छन्।आइतबार हेटौंडामा पत्रकारहरूसँग कुराकानी गर्दै नेता कोइरालाले कांग्रेसको नेतृत्वमा सरकार निर्माण हुँदा मात्र देशमा लोकतन्त्र र राष्ट्रियता बलियो हुने दाबीसमेत गरे।

उनले वर्तमान प्रधानमन्त्री पुष्पकमल दाहाल अराजक हुँदै गएको र जातीय, धार्मिक तथा सामाजिक सहिष्णुता भड्काउन खोजेको आरोप लगाए।‘देशमा द्वन्द्व गराउने र द्वन्द्व निम्त्याउने प्रयास भइरहेकाले प्रधानमन्त्रीको अभिव्यक्तिले देशलाई अप्ठ्यारो पारिरहेको छ,’ वरिष्ठ नेता काइरालाले कांग्रेसकै समर्थनमा निर्माण भएको हालको सरकार परिवर्तन गर्ने वा नगर्ने विषयमा पार्टीभित्र छलफल भइरहेको बताए।

प्रधानमन्त्री प्रचण्डकै कारण धरान घटना भएको उनको टिप्पणी छ। ‘प्रधानमन्त्रीज्यूले आदिवासी जनजातिको कार्यक्रममा हामीलाई भोट दिनुस् हामी जातीय राज्य दिन्छौं भनेर बोलिरहनुभएको छ। सुर्खेतमा गएर एक केही महिनाअघि दुई लाख मानिस सडकमा उतार्छौं भन्नुभयो। प्रधानमन्त्रीकै अभिव्यक्तिले धरानमा घटना घट्न पुगेको हो,’ उनले धरानमा धार्मिक लडाइँ नभई जातीय द्वन्द्व भएको दाबी गरे।

विज्ञापन

‘कांग्रेस ९० सिटसहित देशको ठूलो दल हो। अहिले नै कसरी अगाडि बढ्ने भन्न सकिँदैन। छलफल भइरहेको छ। तर, यसैगरी सरकार सञ्चालन भएको खण्डमा भने देश अप्ठ्यारो स्थितमा पुग्ने पक्का छ,’ उनले भने। उनले कांग्रेसमा संसदीय दलको नेता नै प्रधानमन्त्री हुने व्यवस्था रहेको भन्दै शेरबहादुर देउवाकै नेतृत्वमा सरकार गठन हुनुपर्नेसमेत बताए। अन्नपूर्