नागरिक रैबार/बाजुरा ११ चैत्र। जिल्लाको बुढीगंगा नगरपालिकामा आजबाट ३ दिने निःशुल्क स्वास्थ्य शिविर संचालन गरिएको छ । शसत्र प्रहरी बल नेपालको आयोजना र महान्याधिवक्ताको कार्यालय काठमाण्डौंको सहयोगमा उक्त शिविर आजबाट बुढीगंगाको टाँटे स्वास्थ्य चौकीमा शिविर संचालन गरिएको हो ।
शिविरको एक कार्यक्रमका विच महान्याधिवक्ता खम्मबहादुर खातिले उद्धघाटन् गरेका हुन् । आजबाट ३ दिनसम्म संचालन हुने शिविरमा हाडजोर्नी, प्रसुति सेवा स्त्री रोग नसा सम्वन्धि रोगको शसत्र प्रहरी बलका विशेषज्ञ डाक्टरहरूद्धारा उपचार गरिने बुढीगंगा नगरपालिकाले जनाएको छ ।
विज्ञापन
जिल्लाको उत्तरी क्षेत्र बुढीगंगा, त्रिवेणी, बडीमालिका नगरपालिका र खप्तड क्षेडेदह गाउँपालिकाका नागरिकहरूको स्वास्थ्य समस्यालाई मध्येनजर गरेर टाँटे स्वास्थ्य चौकीमा ३ दिने निशुल्क स्वास्थ्य शिविर संचालन गरिएको बुढीगंगा नगरपालिकाले जनाएको छ ।
बढीगंगा नगरपालिकाका नगर प्रमुख दिपक बिक्रम शाहको अध्यक्षतामा संचालन भएको शिविरको प्रमुख अतिथि नेपाल सरकारका कानुनी सल्लाहाकार महान्यायाधिबक्ता माननीय खम्मबहादुर खाती रहनुभएको थियो ।
कार्यक्रममा बुढीगंगा नगरपालिका नगर उप–प्रमुख तारा खाती, प्रमुख जिल्ला अधिकारी उपेन्द्रराज पौडेल लगायतको सहभागीता रहेको थियो । टाँटे स्वास्थ्य चौकीका बिष्णु जोशीले संचालन गरेको कार्यक्रमको स्वागत मन्तब्य बुढीगंगा नगरपालिकाकी प्रमुख प्रशासकिय अधिकृत कल्पना ठगुन्नाले गर्नुभएको थियो ।
फेसबुक प्रतिक्रियाहरु