स्थानीय तहको निर्वाचनका लागि मधेस प्रदेशको राजधानी जनकपुरधाम उपमहानगरपालिकाका लागि जनमत पार्टीबाट अनितादेवी साहले मेयर पदमा उम्मेदवारी दर्ता गराएकी छन् ।

आइतबार जनकपुरधामस्थित निर्वाचन अधिकृतको कार्यालयमा जनमत पार्टीकी केन्द्रीय सचिवसमेत रहेकी साहले मेयर पदमा उम्मेदवारी दिएकी हुन् । अहिलेसम्म उपमहानगरको मेयर पदमा अनिताले मात्रै उम्मेदवारी दिएकी छिन् भने उपमेयर पदमा उमेश चौधरीले उम्मेदवारी दिएका छन् । उनी एमालेबाट बागी भएर उम्मेदवार दिएका हुन् । सत्तारुढ गठबन्धनका तर्फबाट सोमबारमात्र उम्मेदवारी दर्ता गरिने जनाइएको छ । नेकपा माओवादी केन्द्र धनुषाका अध्यक्ष दीपक यादवका अनुसार सोमबार हरेक पालिकाको उम्मेदवारले उम्मेदवारी दर्ता गराउने छन् ।

विज्ञापन