काठमाडौं । साउथका सुपरस्टार यशको मुख्य भूमिका रहेको चलचित्र ‘केजीएफ २’का निर्माताले यो चलचित्रको प्रदर्शन मिति पछि नसार्ने बताएका छन् ।

अधिकांश साउथ र बलिउडका चलचित्रको प्रदर्शन मिति धमाधम पोष्टपोन्ड भइरहेका बेला ‘केजीएफ २’को रिलिज भने अप्रिल १४ मै हुने निर्माणपक्षले जनाएको छ । शनिबार यशको जन्मदिनको अवसर पारेर चलचित्रको नयाँ पोष्टर सार्वजनिक गरिएको छ । यो चलचित्रको नयाँ पोष्टरमा अप्रिल १४ लाई नै प्रदर्शन मिति उल्लेख गरिएको छ ।

भारतमा दैनिक कोरोना संक्रमितको संख्या १ लाख ५० हजार पुगिसकेको छ । यस्तो अवस्थामा अधिकांश बलिउड र साउथ चलचित्रको प्रदर्शन मिति अनिश्चितकालका लागि सरेको छ ।

विज्ञापन

‘केजीएफ’ले बक्स अफिसमा धुम मच्चाएपछि यो चलचित्रको प्रतीक्षा विश्वभरका दर्शकहरुले गरिरहेका छन् ।