संसद विघटनविरुद्ध काँग्रेसले देशव्यापी प्रदर्शन गर्ने
देश/प्रदेश
संसद विघटनविरुद्ध काँग्रेसले देशव्यापी प्रदर्शन गर्ने
नागरिक रैबार
बुधबार, पुस ८, २०७७
अ
अ
अ
काठमाडौं । प्रमुख प्रतिपक्षी दल नेपाली काँग्रेसले संसद विघटनको विरोधमा देशब्यापी विरोध प्रदर्शन गर्ने भएको छ । प्रवक्ता विश्वप्रकाश शर्माले प्रधानमन्त्री ओलीले संसद विघटन गर्ने कदम विरुद्ध राजनीतिक प्रतिरोधमा उत्रिने बताए । प्रदर्शनको मति र कार्यक्रम भोलि ९ गते बस्ने बैठकले तय गर्ने उनको भनाइ छ ।
बैठकमा वरिष्ठ नेता रामचन्द्र पौडेलले सडकमा जानुपर्नेमा जोड दिएपछि सभापति शरबहादुर देउवाले पुस १६ मा कार्यक्रम गर्ने भनेका थिए । तर त्यो दिन राष्ट्रिय एकता तथा मेलमिलाप दिवसका दिन विरोध कार्यक्रम भन्दै नेताहरुले प्रश्न गरे । त्यसपछि भोलि बस्ने बैठकले देशभर प्रदर्शनको मिति र कार्यक्रम तय गर्ने शर्माले बताए ।
काँग्रेस केन्द्रीय समिति बैठक भोली दिउँसो १ बजे बस्ने गरी स्थिगित भएको छ । यद्यपि बैठकले पुष १६ गते मेलमिलाप दिवस मनाउने निर्णय बैठकले गरेको छ । प्रवक्ता शर्माले पुष ५ गते संसद विघटनपछि बसेको काँग्रेसको पदाधिकारी बैठक र काँग्रैसकै संयोजनमा बसेको सर्वदलीय बैठकले संसद विघटनको कदमलाई असंवैधानिक भनी ठहर गरिसकेको उनको भनाइ थियो ।
विज्ञापन
बैठकमा केन्द्रीय सदस्यहरुले संसद विघटनको कदमलाई असंवैधानिक, निरंकुशतातर्फ लक्षित र सर्वसत्तावादलाई बढावा दिन खोजेको धारणा राखेको पनि जानकारी दिए । बैठकले सबै लोकतन्त्रवादी, संविधानको पक्षधर, निरंकुशता र सर्वसत्तावादका बिरोधी सबैलाई संविधानको रक्षा गर्न एकताबद्ध हुन पनि आग्रह गरेको छ ।
बुधबारको बैठकमा रामशरण महत, गगन कुमार थापा, बलबहादुर केसी र आनन्द ढुंगानाले आ आफ्नो धारणा राखेका थिए । बैठकले काँग्रेसका पूर्वमहामन्त्री कृष्णप्रसाद सिटौलासँगै सबै कोरोना संक्रमित पार्टी सदस्य तथा सर्वसाधरणको स्वास्थ्य लाभको कामना गरेको छ ।
फेसबुक प्रतिक्रियाहरु