नागरिक रैबार/बाजुरा ३ बैशाख। घरको आगनमा खेलीरहेका बेला लडेर गम्भिर घाईते भएका एक बालकको हेलिकप्टर मार्फत उद्धार गरिएको छ । मंगलबार जिल्लाको बुढीनन्दा नगरपालिका–७ कालेगडाका महेश कार्कीका ५ वर्षिया छोरा खगेन्द्र कार्की घरको आँगनमा खेलीरहेको बेला लडेर गम्भिर घाइते भएका थिए ।
घाईते भएका बालकको एकदिनपछि कोल्टीबाट नेपाली सेनाको हेलिकप्टर मार्फत उद्धार गरी नेपालगंज लगिएको प्रमुख जिल्ला अधिकारी गंगाप्रसाद न्यौपानेले बताएका छन् ।
घाइते बालकको अवस्था चिन्ता जनक रहेकाले प्रमुख जिल्ला अधिकारी न्यौपानेको समन्वय तथा नेपाल सरकार गृह मन्त्रालयको सहयोगमा बुधबार नेपाली सेनाको हेलिकप्टर मार्फत नेपालगंज लगिएको हो ।
विज्ञापन
घाईते भएका बालकको टाउको र शरिरमा गम्भिर चोट लागेको थियो । कोल्टी प्राथमिक स्वास्थ्य केन्द्रमा बालकको उपचार सम्भव नभएपछि घाईते बालकलाई थप उपचारका लागि हेलिकप्टर मार्फत नेपालगंज लगिएको बताईएको छ ।
फेसबुक प्रतिक्रियाहरु