रमित बिक बाजुरा । रिटर्नी माईग्रेंट नेपालको बाजुराको शाखा बाजुरामा पनि विस्तार भएको छ । बाजुरामा शाखा विस्तार भएसंगै माईग्रेट नेपाल बाजुराको प्रथम जिल्ला सम्मेलनबाट उमेशजंग शाही शाखाको बाजुरा अध्यक्षमा चयन भएका छन् ।
बैदेशिक रोजगारीबाट फर्केका युवाहरुलाई हकहित र अधिकारका बिषयमा पैरवी गर्नका लागि उतm संस्था गठन बाजुरामा समेत गठन गरिएको हो ।
बिदेशबाट फर्केका युवाहरुले आफुले कमाएर ल्याएको पैसाको सही सदुपयोग भयो भएन् बिदेशबाट फर्केका युवाहरुलाई एकिकृत गर्ने उद्देश्य सहित पहिलो भेला गरिएको केन्द्रीय महासचिव लक्ष्मी प्रसाद आचार्यले बताउनुभएको छ ।
बाजुरा जस्तो विकट ठाउँमा विदेश बाट फर्केका हजारौं युवाहरुले केही आफ्नै जिल्लामा आत्मनिर्भर बनाउने उद्देश्यका साथ बाजुरामा समेत शाखा विस्तार गरिएको रिटर्नी माईग्रेंट नेपाल सुदुरपश्चिम प्रदेशका अध्यक्ष चेतन थापाले बताएका छन् ।
देशका अधिकांस जिल्लामा यो संस्था गठन गरी समाजमा रहेको सामाजिक विकृति विसंगतिका बिरुद्धमा संस्थाले काम गर्ने भएको छ । बिदेशमा पलायन युवाहरुलाई स्वदेशमै आत्मनिर्भेर बनाई रोजगारी सिर्जना गर्ने समेत संस्थाले पहल गरिने आचार्यको भनाई रहेको छ । खाडीमा खेप्नुपर्ने समस्यालाई मध्येनजर गरी युवाहरुको लागि सहुलियत ब्याजदरमा १० दाख बराबरको ऋण बैदेशिक रोजगारीबाट फर्केका युवाहरुका लागि लगानी गरिने सरकारले यसअघि नै निर्णग गरेको छ ।
संस्था २०७४ साउन १० गते दर्ता भई देशभरका जिल्लामा लागु गरिएको छ । संस्थामा हालसम्म १० हजार सदस्य आवद्ध रहेको सुदूरपश्चिम प्रदेश अध्यक्ष चेतन थापाले बताउनु भएको छ । बाजुरामा गरिएको प्रथम जिल्ला सम्मेलनबाट अध्यक्षमा उमेश जंग शाही, उपाध्यक्ष दिल बहादुर रावत,कोषाध्यक्ष भरराज पाध्याय, सचिव महेश कार्की,सचिव शुशिल रोकाया,सदस्यहरुमा नवराज पाध्याय,सुरेन्द्र बहादुर रोकाया,धनरुप सुनार लगायत १७ सदस्यीय कमिटी गठन गरिएको सहसचिव शुशिल रोकायाले जानकारी दिनुभएको छ । साथै आज नै पहिलो बैठक बसेको छ । बैठकले हिक्मत थापालाई सुदूरपश्चम प्रदेश सदस्यका लागि सिफारिस गरिएको छ । साथै सञ्चार विभागमा शुशिल रोकायालाई मनोनित गरिएको छ ।