नागरिक रैबार।मुगु जिल्लाको खत्याड गाउँपालिकामा सूचनाको हक सम्बन्धि १ दिने अन्तरक्रिया कार्यक्रम सम्पन्न भएको छ ।
शनिवार गाउँपालिकामा पालिका स्तरका सम्पूर्ण जनप्रतिनिधी, सामाजिक अभियान्ता, महिला, दलित लगायतको उपस्थितिमा सूचनाको हक सम्वन्धि १ दिने अन्तरक्रिया कार्यक्रम सम्पन्न भएको हो ।

खत्याड गाउँपालिकाको आयोजना र राष्ट्रिय सूचना आयोग काठमाडौको सहयोगमा उक्त अन्तरक्रिया कार्यक्रम शनिबार सम्पन्न भएको हो ।गाउँपालिकाले पालिका भित्रका जनताले हरेक सूचनाहरू सहज रूपमा पाउन भन्ने उदेश्यले उक्त कार्यक्रमको आयोजना गरिएको खत्याड गाउँपालिकाले जनाएको छ ।

अन्तरक्रिया कार्यक्रमकोे राष्ट्रिय सूचना आयोगका सूचना आयुक्त कमला ओलीले सहजिकरण गरेकि थिईन् ।उनले सूचनाको हक सम्बन्धी आवश्यक प्रावधान, सूचना माग्दा ध्यान दिनु पर्ने कानुनी व्यवस्था, सुचना दिनुपर्ने कार्यालयको कर्तव्य र कानुनी बाधा र प्रक्रियाका विषयमा पालिकाका कर्मचारी, शिक्षक र जनप्रतिनिधिहरूलाई जानकारी गराएकी थिइन् ।

विज्ञापन

अन्तरक्रिया कार्यक्रमकी प्रमुख अतिथि समेत रहेकी राष्ट्रिय सूचना आयोगका सूचना आयुक्त कमला ओलीले हरेक सूचनामा नागरिकको पहुँच सरल र सहज बनाउन गाउँपालिकालाई आग्रह गरेकी छन् ।

कार्यक्रममा बोल्दै खत्याड गाउँपालिकाकी उपाध्यक्ष सरिता रोकायाले सूचनाको हकबाट पालिका भित्रका नागरिकहरूलाई बन्चित नगर्ने बताईन् । उनले सूचना पाउनु सवै नागरिकको दायित्व भएकोले पालिकाले सबै नागरिकलाई सहि र सत्य सूचना प्रदान गर्ने बताएका छन् ।

गाउँपालिकाकी उपाध्यक्ष सरिता रोकायाको अध्यक्षतामा अध्यक्षतामा संचालन गरिएको अन्तरक्रिया कार्यक्रममा राष्ट्रिय सूचना आयोगका आयुक्त कमला ओली प्रमुख अतिथि रहेकी थिइन् । कार्यक्रममा पालिका स्तरका विभिन्न राजनीतिक दलका प्रतिनिधि, वडा अध्यक्ष, प्रहरी, पत्रकार र संघसंस्थाका प्रतिनिधि लगायत सहभागि भएका थिए ।