नागरिक रैबार/बाजुरा २३ पुस। जिल्ला प्रशासन कार्यालय बाजुरा र घरेलु विकास कार्यालयको सयुक्त टोलीले कोल्टी बजार अनुगमन गरेको छ ।
कोल्टी क्षेत्रका स्थानीय तहका बजारहरुको अनुगमन गर्न मार्तडीबाट सहायक प्रमुख जिल्ला अधिकारी लोकेन्द्र विष्टसहित खटिएको टोलीले आज कोल्टी बजारको अनुगमन गरेको हो ।
कोल्टी बजारको अनुगमनका क्रममा म्याद नाघेका पिठो, चाउचाउ, बिस्कुट, भुजिया, नमकिन, चिजबल, चकलेट, चुईगम, मिठाई, कोकाकोला, स्प्राईट, फान्टा, अवैध सुर्ति लगायत करिब ६४ हजार ५ सय ८४ रकम बराबरका सामग्री बरामद गरी नष्ट गरेको सहायक प्रमुख जिल्ला अधिकारी लोकेन्द्र विष्टले बताएका छन् ।
यसै गरी जिल्लाबाट त्यस क्षेत्रमा गएको सयुक्त बजार अनुगमन टोलीले हिजो मात्रै हिमालीको धुलाचौर, जगन्नाथको पिलुचौर बजार अनुगमन गरेको थियो । धुलाचौर र पिलुचौर बजारमा अनुगमन गर्दा ६४ हजार ३ सय ६५ रकम बराबरको अखाद्य .वस्तु बरामद गरी नष्ट गरेको थियो ।
कोल्टी क्षेत्रका स्थानीय बजारहरु अनुगमन गर्दा म्याद गुर्जेका, चिउरा, विस्कुट,सुजी,तेल,माउण्टेन ड्यु, मेरिण्डा, मिठाई लगायका अखाद्य वस्तु भेटिएको सहायक प्रजिअ विष्टको भनाई छ ।
कोल्टी क्षेत्रका स्थानीय बजारहरुमा पछिल्लो समय कालोबजारी बढ्दै गएको जनगुनासो आएपछि जिल्लाबाट सहायक प्रजिअ विष्ट, घरेलु विकास कार्यालयका पदम ऐरी, कोष तथा लेखा नियन्त्रक कार्यालयका प्रतिनिधि लगायत नेपाल प्रहरी र शसत्र प्रहरीको टोलीले बजार अनुगमन गरेको थियो ।
फेसबुक प्रतिक्रियाहरु