नागरिक रैबार/बाजुरा २० माघ। बाजुराको सदरमुकाम मार्तडीस्थित मालिका नमुना माविमा कार्यरत शिक्षक उत्तमराज जोशीको विदाई गरिएको छ ।
२०७२ साल पौष ५ गतेदेखि मालिका नमुना माविमा मावि तहको स्थायी शिक्षक दरबन्दीमा कार्यरत रहेका शिक्षक जोशीको आज एक औपचारिक कार्यक्रमका विच भव्य रुपमा विदाई गरिएको मालिका नमुना माविका प्राचार्य शुभराज पाध्यायले बताएका छन् ।
शिक्षक जोशीले विद्यालयमा कार्यरत हुदाँ विद्यालयलाई नमुना बनाउनका लागि महत्वपूर्ण भुमिका निर्वाह गरेको प्राचार्य पाध्यायले बताएका छन् । विद्यालयमा मावि तहको स्थायी दरवन्दीमा कार्यरत रहेका जोशी सामाजिक विषय अध्ययन/अध्यापन गराउँदै आएका थिए ।
विज्ञापन
विद्यालयकाे खेलकुद समितिका संयोजक समेत रहेका जोशीले विद्यालयमा कार्यरत रहँदा खेल क्षेत्रका हरेक क्रियाकलापमा उनले नेतृत्वदायी भुमिका निर्वाह गरेको विद्यालय व्यवस्थापन समिति अध्यक्ष दिर्घराज पाध्यायले बताएका छन् ।
विद्यालयमा यस अघि कार्यरत रहेका जहरसिंह थापा सेवा निवृत भएर गएपछि विद्यालयले जोशीलाई खेलकुद समितिको संयोजकको जिम्मेवारी दिएको थियो । खेलकुद समितिको जिम्मेवारीपछि जोशीले विद्यालयको खेल क्षेत्रलाई जिल्लामै सवैभन्दा राम्रो बनाउन सफल भएका थिए ।
मालिका माविबाट विदाई गरिएका जोशी आफ्नै गृह जिल्ला बझाङमा रहेको लामातोला माध्यमिक विद्यालयमा जाने भएका छन्।
विदाई कार्यक्रममा शिक्षक, अभिभावक र विद्यार्थीबाट जोशीलाई मायाको चिनो प्रदान गरेर विद्यालयबाट विदाई गरेको छ ।
फेसबुक प्रतिक्रियाहरु