नागरिक रैबार/बाजुरा १४ असोज।नेकपा एमाले त्रिवेणी नगरपालिका ४ नम्वर वडा कमिटीले बडा दशैंको अवसरमा शुभकामना आदानप्रदान कार्यक्रम गरेको छ ।

वडा कमिटीले आज तोलीमा एक औपचारिक कार्यक्रमका विच वडा संगठनमा रहेका नेता कार्यकर्ताविच शुभकामना आदानप्रदान कार्यक्रम गरेको हो ।

वडा नम्वर ४ का वडा कमिटी अध्यक्ष कृष्ण साउँदको अध्यक्षतामा वडा कमिटीको बैठक बसेर विजया दशमी तथा शुभदिपावलीको अवसरमा शुभकामना आदानप्रदान कार्यक्रम गरेको हो ।

विज्ञापन

नेकपा एमाले जिल्ला कमिटी सदस्य जहरसिंह मिजारको प्रमुख अतिथि रहेको शुभकामना आदानप्रदान कार्यक्रममा नेकपा एमाले त्रिवेणी नगर कमिटी सचिव जयविर साउँद र लोकबहादुर ऐडीको विशिष्ट अतिथि रहेका थिए ।

शुभकामना आदान प्रदान कार्यक्रममा टोल कमिटी, वडा कमिटी, नगर कमिटी र जिल्ला कमिटीका नेता तथा कार्यत्रकर्ताहरुको सहभागिता रहेको थियो ।

कार्यक्रममा आगामी मंसिर ४ गते हुने प्रदेश र प्रतिनिधि सभाको निर्वाचनका लागि तयारी रहन कार्यकर्तालाई निर्देशन समेत गरिएको थियो । कार्यक्रमको संचालन वडा कमिटीका सचिव रुपबहादुर साँउदे गरेका थिए भने कार्यक्रममा वडा भित्रका ९० बढी कार्यक्रर्ताको सहभागिता रहेको थियो ।