नागरिक रैबार/बाजुरा १४ असोज।बडीमालिका नगरपालिका वडा नम्वर ७ ले वडामा रहेका विपन्न परिवारलाई खाद्यन्न वितरण गरेको छ ।
वडा दशैंको अवसरमा वडा नम्बर ७ ले आज एक औपचारिक कार्यक्रमको आयोजना गरेर वडा भित्र रहेका १५ जना विपन्न समुदायका परिवारलाई खाद्यन्न वितरण गरेको हो ।
वडाभित्र चाडपर्वको समयमा खाद्यन्नको समस्या भएका विपन्न परिवारलाई सहयोग पुगोस भन्ने उद्देश्यले खाद्यन्न सामाग्री सहयोग गरेको वडा अध्यक्ष धर्मराज पाध्यायले बताएका छन् ।
विज्ञापन
वडा अध्यक्ष पाध्यायले यस अघिका वर्षहरुमा समेत चाडपर्वको वेला आफ्नो पारिश्रमिकबाट वडाका विपन्न परिवारलाई खाद्यन्न सहयोग गर्दै आएका थिए ।
बडीमालिका नगरपालिका ७ मा दोस्रो कार्यकालका लागि वडा अध्यक्षमा विजयी भएसंगै पाध्यायले वडाका गरिव तथा विपन्न समुदायका परिवारलाई खाद्यन्न लगायतका सामाग्री सहयोग गरेका हुन् । वडा अध्यक्षले चाडपर्वको बेला विपन्न परिवारलाई खाद्यन्न सहयोग गरेपछि विपन्न परिवार खुसी भएका छन् ।
फेसबुक प्रतिक्रियाहरु