नागरिक रैबार/बाजुरा३१ बैशाख। बडीमालिका नगरपालिकाको मतगणना अनिश्चित भएको छ । हिजो सम्पन्न भएको मतदान पछि बडीमालिका नगपालिका ८ मा एमाले र काँग्रेसका कार्यकर्ताविच दोहोरो झडप भएको थियो ।

सोही घटनाको विषयलाई लिएर राजनीतिक दलहरुविच असहमति भएपछि बडीमालिका नगरपालिकाको मतगणना कार्य ढिलाई भएको बुझिएको छ ।

जिल्लाका स्वामीकार्तिक र खप्तड क्षेडेदह गाउँपालिकामा मतगणना भईरहँदा बडीमालिका सहित बुढीगंगा, त्रिवेणी, बुढीनन्दा नगरपालिका र गौमुल, हिमाली र जगन्नाथ गाउँपालिकामा भने अझै मत गणना हुन नसकेको हो ।

विज्ञापन

बडीमालिका लगायतका यी पालिकाहरुमा मतपेटीकाहरु पुगेका भएपनि दलहरुविच आपसी सहमति नहुँदा मतगणना कार्य अझै हुन सकेका छैनन् ।