नागरिक रैबार/बाजुरा २८ चैत्र। नेकपा एमाले बडीमालिका नगर कमिटीले बडीमालिकाको मेयर पदको उम्मेदवारीका लागि अमर खड्कालाई सिफारिस गरेको छ ।

एमाले बडीमालिका नगर कमिटिको बैठकले एमाले बाजुराका संगठन विभाग प्रमुख समेत रहेका खड्कालाई बडीमालिकाको मेयरको उम्मेदवारीमा सिफारिस गरेको नगर कमिटी अध्यक्ष धर्मराज पाध्यायले बताएका छन ।

अध्यक्ष पाध्यायका अनुसार बडीमालिकाको उपमेयर पदको उम्मेदवारका लागि ३ जना महिलाको नाम सिफारीस गरिएको छ । उपमेयर पदको उम्मेदवारमा सिफारीस हुनेमा दुर्गा रोकाया थापा, सिता बराल थापा र नन्दा थापाको नाम सिफारीस गरिएको छ । अन्यमा कल्पना महत, तुला पाध्या र तुल्छी नाथ गिरीको नाम नेकपा एमाले बडिमालिका नगर कमिटिबाट पठाएको जनाएको छ ।

विज्ञापन

नगर प्रमुखमा एकल उम्मेदवार बनाउने नेकपा एमाले बडिमालिका नगरपालिका नगर कमिटी दोस्रो पालिका बनेको छ । भने यस अघि बुढिनन्दा नगर कमिटिले पार्टीका उप सचिव जनक बोहोरालाई बुढीनन्दा नगरपालिकाको नगर प्रमुखमा एकल उम्मेद्धार बनाएर सिफारीस गरीसकेको छ ।