राष्ट्रियसभा सदस्य दिलकुमारी थापा रावलले नच्यातिने र चपाउन नमिल्ने मतपत्रको व्यवस्था गर्न निर्वाचन आयाेगलाई आग्रह गरेकी छन् । सोमबारको राष्ट्रियसभा बैठकमा विशेष समय लिएर बोल्दै उनले ढिलै भएपनि निर्वाचन मिति घोषणा भएकोमा स्वागत गर्दै स्वतन्त्र, निष्पक्ष र भयरहित वातावरणमा जनताले मतदान गर्ने व्यवस्था मिलाउन आयोगको ध्यानाकर्षण गराएकी हुन् ।
‘विद्युतीय मतदान प्रणाली लागू गर्न, नच्यातिने र चपाउन नसकिने मतपत्र बनाउन तथा मतपेटिका साट्न नसकिने बनाउन र मतगणनास्थललाई तारवारले व्यवस्थित गर्न र विगतको कालो दिन दोहोरिन नदिन आयोगको दायित्व हो, आयोगको यसमा ध्यानाकर्षण गराउन चाहान्छु’, सदस्य रावलको भनाइ छ ।
उनले महँगी चुलिएको भन्दै त्यसको प्रभाव आम जनतामा परेकाले पेट्रोलियम पदार्थको मूल्य घटाउन माग समेत गरिन् ।
फेसबुक प्रतिक्रियाहरु