होमपेज केही सेकेण्डमा लोड हुनेछ।

Advertisement area

  • Skip this

Advertisement area

शुक्रबार, चैत्र १६, २०८०
जोडिनुहोस
  • होमपेज
  • समाचार
  • प्रिमियर लिग फुटबलका पाँच रोचक तथ्य
समाचार

प्रिमियर लिग फुटबलका पाँच रोचक तथ्य

  • नागरिक रैबार
प्रिमियर लिग फुटबलका पाँच रोचक तथ्य

काठमाडौँ : विश्वकै लोकप्रिय इंग्लिस प्रिमियर लिग फुटबलको नयाँ सिजन शुक्रबार रातीदेखि सुरु हुँदैछ । प्रि–सिजन अन्तर्गत विभिन्न टोलीले विभिन्न देशको भ्रमण गरेर मैत्रीपूर्ण खेल पनि खेलेका छन् । जसलाई टूर–भ्याच भन्ने गरिन्छ ।

प्रिमियर लिगको एउटा नयाँ अध्यायको फेरि सुरुवात हुँदैछ । जो वर्षेनी चलिरहन्छ । पहिलो खेल इङ्ल्याण्डको लन्डनस्थित क्रिस्टल प्यालेसको सेलहस्र्ट पार्क स्टेडियममा घरेलु टोली र आर्सनल आमने सामने हुनेछन् ।

यो खेल शुक्रबार राती र शनिबार बिहान अर्थात राती पौने १ बजे हुनेछ । यसपटक आर्सनल बलियो टिमका रुपमा देखिनेछ । त्यसका लागि म्यान्चेष्टर सिटीबाट गाब्रियल जिससलाई महंगो मूल्यमा आर्सनलले भित्र्याएको छ ।

विज्ञापन

प्रिमियर लिगको यो ३१ औँ संस्करण हो । विगतका तीन दशकमा यो लिग विश्वको सबैभन्दा लोकप्रिय र महंगो लिगको रुपमा स्थापित छ । त्यसमाथि म्यान्चेष्टर सिटीजस्ता टिमले लगातार उपाधि रक्षा गर्दा सामना गरेका कडा चुनौतिहरुले प्रिमियर लिग विश्वको सबैभन्दा कडा प्रतिष्पर्धा हुने लिग पनि हो ।

३० वर्षअघि सुरु भएको दौड
सन् १९९० को दशकमा इङ्ल्याण्डमा फुटबल र फुटबल क्लबको विकासको लागि एक परिवर्तनको आवश्यकता महशुस भएको थियो । सन् १९९१ जुलाई १७ मा इंग्लिस फर्सट डिभिजन क्लबहरुले स्थापक सदस्य सम्झौतामा हस्ताक्षर गरे । यसपश्चात प्रिमियर लिगको जगको स्थापना भएको इतिहास छ । सन् १९९२ अगस्ट १५ मा लिगको उद्घाटन भयो । २२ क्लबको सहभागितामा प्रिमियर लिगको भव्य सुरवात भएको मानिन्छ ।

त्यतिबेला आर्सनल, एस्टन भिल्ला, ब्ल्याकबर्न रोभर्स, चेल्सी, कभेन्ट्री सिटी, क्रिस्टल प्यालेस, एभर्टन लगायत टिम थिए । यस्तै इप्सविच टाउन, लीड्स युनाइटेड, लिभरपुल, म्यानचेस्टर सिटी, म्यानचेस्टर युनाइटेड, मिडल्सब्रग, नर्विच सिटी, नटिंघम फरेस्ट, ओल्डहम एथ्लेटिक, क्वीन्स पार्क रेंजर्स, शेफिल्ड युनाइटेड, शेफिल्ड, साउथह्याम्प्टन, टोटेनहम र विम्बल्डनले पहिलो संस्करणमा भाग लिएका थिए ।

सुरुवातदेखि नै आर्सनल, चेल्सी, एभर्टन, लिभरपुल, म्यानचेस्टर युनाइटेड र म्यानचेस्टर सिटीले बलियो टिमका रुपमा हरेक सिजन खेल्दै आएका छन् । प्रिमियर लिगका सबैभन्दा बलिया क्लबका रुपमा स्थापित यी क्लबले अरु टिमभन्दा सर्वाधिक उपाधि जितेको इतिहास पनि छ । त्यसमा सबैभन्दा सफल टिममा म्यान्चेष्टर युनाईटेड छ । पछिल्लो समय यो लगातार सफलता हात पार्ने टिममा म्यान्चेष्टर सिटी छ ।

सन् १९९४–९५ सिजनदेखि फुटबललाई विश्वमा परिचित गर्न क्लब संख्यालाई २० मा पु¥याउने योजना पनि कार्यान्वयन भयो । सो सिजनमा चार क्लब रेलिगेसन र दुई क्लबको बढुवासँगै नयाँ प्रावधान लागू गरिएको थियो ।

प्रिमियर लिगका ५ रोचक तथ्य

१. पहिलो लिग विजेता ब्लाकबर्न रोभर्स
सन् १९९४–९५ को प्रिमियर लिग ब्लाकबर्नको लागि यादगार रह्यो । पहिलो पटक प्रिमियर लिगको उपाधी म्यान्चेष्टर युनाइटेड बाहेक अर्को टोलीले जितेको थियो । यस जितसँगै ब्लाकबर्नले ८१ वर्ष लामो उपाधीको खडेरीको अन्त्य गरेको थियो ।
ब्लाकबर्नका ‘गोल मेसिन’ भनेर चिनिने एलन शियररले सो उपाधीको लागि महत्वपूर्ण भूमिका खेलेका थिए । उनले त्यस सिजन ३४ गोल गरेका थिए । केवल १ अंकले म्यान्चेष्टर युनाइटेडलाई पछि पार्दैै ब्लाकबर्नले उपाधि जितेको थियो ।

२. दर्शकलाई कुटेका क्यान्टोनाको खराब रेकर्ड
सन् १९९४–९५ को सिजनमा घटेको अर्को घटना यादगार बन्यो । सन् १९९५ जनवरी १ मा भएको खेलमा एरिक क्यान्टोनाले क्रिस्टल प्यालेसका एक खेलाडीलाई लात हान्दा रेड कार्ड प्राप्त गरेका थिए ।

मैदान छोड्दै गर्दा प्यालेसको एक समर्थकले गाली गरेसँगै क्यान्टोनाले भिडमा गएर ‘फ्लाइङ किक’ प्रहार गरे । प्रिमियर लिगमा घटेको यो आश्चर्यजनक घटनाको लागि क्यान्टोनालाई ९ महिनाको लागि निलम्बन गरिएको थियो । जुन प्रियिर लिगमा कुनै टिमका खेलाडीलाई गरिएको अहिलेसम्मकै ठूलो सजाय थियो ।

३. डेभिड बेकह्यामको आकर्षक गोल
प्रिमियर लिगका सफल र उत्कृष्ट खेलाडीमा डेभिड बेकह्याम पनि पर्छन् । सन् १९९६–९७ सिजनमा २१ वर्षीय बेकहमले आफ्नो नाम स्थापित गर्न लागि एक अनौठो गोल गरेका थिए । विम्बेल्डनविरुद्धको खेलमा गोलकिपर निल सुलिभान कमजोर पोजिसनमा बस्दै गर्दा बेकहमले मौकाको सदुपयोग गर्दै गोल गरेका थिए ।

सोहि निर्णयले बेकहमलाई प्रिमियर लिगको इतिहासमा मात्र नभई फुटबलमा नै यादगार बनाउन मद्दत पु¥यायो । मैदानको बीच भागबाट हानेको बेकह्यामको प्रहार ऐतिहासिक गोलमा परिणत भयो ।

४. सबै खेल जितेर आर्सनलले कब्जा गरेको उपाधि
प्रतियोगिताको कुनै पनि खेल नहारी उपाधी जित्नु लगभग असम्भवजस्तो हो । तर यो पनि प्रिमियर लिगमा सम्भव बनेको छ । जुन कीर्तिमान आर्सनलको नाममा छ ।

सन् २००३–२००४ मा आर्सनलले कुनै पनि खेल नहार्दै उपाधी उचालेको थियो । सन् १८८९ मा प्रेस्टनले देखाएको यस्तो प्रदर्शनपश्चात फुटबल इतिहासमा यो पहिलो प्रदर्शन थियो ।

५. अविश्वसनीय प्रदर्शन गर्दै लेस्टर सिटीले उचालेको उपाधि
सन् २०१५–२०१६ को प्रिमियर लिगमा लेस्टर सिटीको जित निकै नै प्रेरणादायी रह्यो । यस अघिको सिजनमा रेलिगेसनबाट बल्लतल्ल जोगिने गरेको लेस्टर सिटी त्यो सिजन च्याम्पिय बनेको थियो । जुन धेरैले सोचेकै थिएनन् ।

लिगमा केवल तीन खेल हार्दा १३२ वर्षको इतिहासमा लेस्टरले पहिलो उपाधी जितेको थियो । धेरै बलिया टोलीलाई पन्छाउँदै लेस्टरले उपाधि जित्दा हजारौँ फूटबलप्रेमी खुशी भएका थिए । कहिलेकाँही मेहनत गरेका टोलीले पनि बलिया टोली उपविजेतामा सीमित गरिदिने तथ्य लेस्टरले स्थापित गरेको थियो ।

अब शुक्रबार रातीदेखि सुरु हुने ३१ औँ सिजनमा कुन क्लबले कस्तो प्रदर्शन गर्छ ? फूटबलप्रेमीमा चाँसो बढेको छ ? त्यसमाथि यसपटक उपाधि कसले जित्छ, त्यो झन् रोचक छ ? यसपटक प्रिमियर लिग क्लबले च्याम्पियन्स लिग जित्छ वा फेरि हार्छ ? त्यो पनि प्रतिक्षाको विषय छ ।

के गर्लान रोनाल्डो ?

यसपटक खेलाडी किनबेच बजार प्रिमियर लिगमै तातेका बेला सिटी, चेल्सी, आर्सनल र लिभरपुलबीच फेरि एकपटक कडा प्रतिष्पर्धा हुने अनुमान छ । सबैभन्दा ठूलो कुरा क्रिष्टियानो रोनाल्डोजस्ता सुपरस्टार प्रिमियर लिगमा फर्किदा उनले कति गोल गर्छन् वा टिमलाई कहाँ पुर्याउँछन् भन्ने अनुमान पनि बढ्दै गएको छ ।

त्यो भन्दा ठूलो कुरा रोनाल्डो स्वयंम च्याम्पियन्स लिग खेल्न म्यान्युबाट बाहिरिन चाहेका छन् । उनले परेको खण्डमा प्रिमियर लिग पनि छाड्न तयार छन् । तर त्यो उनका लागि क्लबले सम्भव गरिदिएको छैन । यस्तोमा रोनाल्डो के गर्छन् ? त्यो पनि चाँसोको विषय छ ।

फेसबुक प्रतिक्रियाहरु

[gs-fb-comments]

चर्चामा

सम्बन्धित समाचार