बलिउडमा नायक तथा नायिकाहरुले लिने पारिश्रमिक निक्कै महंगो छ । अहिले नाम चलेका सुपरस्टारहरु ५० करोड भन्दा बढीको पारिश्रमिक वुझ्ने गर्दछन् । आज भन्दा ७ दशक अगाडि बलिउडका सफल नायक दिलिप कुमारले १ लाख पारिश्रमिक वुझेका थिए । सन् १९४० मा बलिउडमा पाइला राखेका दिलिप कुमारले एक दशकमै आफूलाई सुपरस्टारको स्थानमा उभ्याएका थिए । उनै, दिलिपले चलचित्रमा काम गरेवापत पहिलो पटक १ लाख पारिश्रमिक वुझेका थिए । दिलिप भन्दा अगाडि कुनै पनि नायकले एक लाख पारिश्रमिक लिएका थिएनन् ।

दिलिप कुमारको निधन केही महिना अगाडि मात्र भयो । उनको ६ सय २७ करोड सम्पत्ती रहेको बताइन्छ । दिलिप कुमार पाली हिल बान्द्रामा आलिसान बंगलामा बस्दै आएका थिए । दिलिप कुमारले आफ्नो सम्पत्तीको अधिकांश हिस्सा च्यारेटीमा खर्च गरेका थिए ।

उनै, दिलिपले पहिलो पटक एक लाख पारिश्रमिक वुझेको ७ दशकपछि नायक साहरुख खानले १ सय करोड पारिश्रमिक वुझेको भारतीय मिडियाले उल्लेख गरेका छन् ।

विज्ञापन

मिडिया रिपोर्टका अनुसार, साहरुखले यशराज ब्यानरको लगानीमा निर्माण भैरहेको चलचित्र ‘पठान’का लागि एक सय करोड पारिश्रमिक वुझेका हुन् । यो चलचित्रमा साहरुखको रोमान्ससँगै दमदार एक्सन दृश्य समेत हेर्न सकिन्छ ।

चलचित्रमा साहरुखसँगै दिपिका पादुकोण र जोन अब्राहिमको मुख्य भूमिका छ । बलिउडमा सुपरस्टारहरु सलमान खान, अक्षय कुमार, आमिर खानले ५० देखि ६० करोड हारहारीको पारिश्रमिक वुझ्दै आएका छन् ।