धनगढी,१७ माघ – विभाजित नेपाल कम्युनिष्ट पार्टीको प्रचण्ड-माधव समूहका नेता भीम रावलले प्रधानमन्त्री केपी शर्मा ओलीलाई ‘बालुवाटारमा बस्ने केटो’ को संज्ञा दिएका छन् । केही समयअघि प्रधानमन्त्री केपी ओलीले सुदुरपश्चिममा गएर भाषण गर्दै रावललाई ‘केटो’ भनेको विषयलाई लिएर उनले जवाफ र्फाएका हुन् ।

प्रचण्ड माधव समूहको धनगढीमा आयोजित विरोध सभामा बोल्दै रावलले भने, ‘यो खुलामञ्चको आँगनमा र घरमरमा प्रत्यक्ष प्रशारण सुनिरहेका जनताको तर्फबाट भन्छु यो केटोले निरंकुशताको विरुद्धमा, केपी ओलीको कर्तुतविरुद्धमा हाम्रा दुई अध्यक्षको नेतृत्वमा जनतालाई जुरुक्क उचालेको छ, बालुवाटारमा बस्ने केपी ओली केटोले सुन्नुस ।’

रावलले प्रधानमन्त्रीलाई ‘भगुवा’ को संज्ञा पनि दिए ।

विज्ञापन

‘उहाँ एक नम्बरको भगुवा हो,’ रावलले भने, ‘३ महिनाभित्र पार्टी एकीकरणको काम सम्पन्न गर्ने भनेपछि केपी ओलीले पार्टीको वैठक नै बोलाउन मान्नुभएन ।’ सुदुरपश्चिमबाट एकैपटक चार मन्त्री बनाएको प्रसंग निकाल्दै रावलले पार्टी फुटाउन ओलीले मन्त्री पदलाई अस्त्र बनाएको दावी गरे ।