महाधिवेशनको व्यवस्थापनमा खटिएका एक नेताका अनुसार खाजाको रुपमा मासु, चिउरा, पनिर लगायतका मेनु तयार पारिएको छ । यद्यपि सकेसम्म हरेक दिन मेनु फरक-फरक बनाउने तयारी छ ।महाधिवेशनमा सहभागी हुन देशभरबाट माओवादी प्रतिनिधिहरु काठमाडौं आइसकेका छन् । महाधिवेशनमा १६ सय बढी प्रतिनिधिहरू सहभागी हुने माओवादी केन्द्रले जनाएको छ ।

महाधिवेशनको उदघाटन समारोह आज अपराह्न तीन बजे प्रज्ञा भवन कमलादीमा हुने छ । त्यसपछि सुरु हुने बन्दसत्रमा राजनीतिक, सांगठनिक लगायतका प्रतिवेदन पेश हुनेछन् । प्रतिनिधिहरुलाई समूहमा विभाजन गरेर प्रतिवेदनमा छलफल गरिने छ ।

विज्ञापन

महाधिवेशन पाँच दिनसम्म चल्ने अनुमान छ । यसअघि राष्ट्रिय सम्मेलन गर्ने निर्णय हुँदा पुस ११ देखि १३ गतेसम्म सन्चालन हुने भनिएको थियो । माओवादीले अन्तिम समयमा राष्ट्रिय सम्मेलनलाई महाधिवेशनमा रुपान्तरण गर्ने निर्णय गरेको छ ।