होमपेज केही सेकेण्डमा लोड हुनेछ।

Advertisement area

  • Skip this

Advertisement area

बिहिबार, चैत्र १५, २०८०
जोडिनुहोस
  • होमपेज
  • समाचार
  • हेटौंडा अस्पतालमा १ सय ३ कोरोना संक्रमितको मृत्यु
समाचार

हेटौंडा अस्पतालमा १ सय ३ कोरोना संक्रमितको मृत्यु

  • नागरिक रैबार
हेटौंडा अस्पतालमा  १ सय ३ कोरोना संक्रमितको मृत्यु
साँकेतिक तस्वीर

मकवानपुरको हेटौंडा अस्पतालमा हालसम्म कोरोनाका कारण १ सय ३ जनाको मृत्यु भएको छ । कोरोना संक्रमणको दोस्रो लहरमा मात्र मदन भण्डारी स्वास्थ्य विज्ञान प्रतिष्ठान हेटौंडा अस्पतालमा उपचारको क्रममा १ सय ३ जनाको मृत्यु भएको अस्पतालका कोभिड इन्चार्ज डा.सागर काफ्लेले बताए ।

मृत्यु हुनेमा ३७ जना महिला र ६६ जना पुरुष रहेको उनले बताए । उनका अनुसार आजै मात्र थप एक जनाको कोरोना संक्रमणका कारण मृत्यु भएको हो । मृत्यु हुनेमा हेटौंडा उपमहानगरपालिका वडा नम्बर–१४ की ६० वर्षीय महिला रहेकी छिन् ।

त्यस्तै हेटौंडा अस्पतालको कोभिड उपचार कक्षबाट हालसम्म ३ सय ४६ जना कोरोना संक्रमितहरु निको भएर घर फर्किएका छन् । कोरोना संक्रमणको दोस्रो लहर सुरु भए देखि नै हेटौंडा अस्पताललाई कोरोना अस्पतालको रुपमा प्रयोग गरी उपचार सेवा प्रदान गर्ने क्रममा १ सय ६४ जना महिला र १ सय ८२ जना पुरुष कोरोना संक्रमण निको भएर घर फर्किएका डा.काफ्लेले बताए ।

विज्ञापन

त्यस्तै हेटौंडा अस्पतालबाट २५ जना कोरोना संक्रमितहरुलाई अन्यत्र रिफर गरिएको उनको भनाई छ । आजै मात्र ३ जना महिला र ४ जना पुरुष गरी ७ जना कोरोना संक्रमित उपचार पछि निको भएर घर फर्किएका हुन् । हाल अस्पतालको कोभिड–१९ उपचार कक्षमा २० जना कोरोना संक्रमितको उपचार भइरहेको छ ।

 

फेसबुक प्रतिक्रियाहरु

[gs-fb-comments]

चर्चामा

सम्बन्धित समाचार