नागरिक रैबार/बाजुरा २२ असार। जिल्लाको बुढिनन्दा नगरपालिकाका १० वटै वडामा अबदेखि वडाका न्यायिक मुद्धा हेर्न सजिलो हुने भएको छ । सोमबार नगरपालिकाको न्यायिक समितिले मेलमिलापकर्ताहरुलाई कार्य सम्पादन तथा न्यायिक प्रकृया सम्बन्धी प्रशिक्षण गरेपछि अव वडामै न्यायिक मुद्धाहरु सम्पादन गर्न सजिलो हुने भएको हो ।

नगरपालिकाको न्यायिक समितिले वडा नं १ देखी १० का वडा अध्यक्ष तथा बुढीनन्दा नगरपालिकाका मेलमिलापक कर्ताहरुलाई कार्य सम्पादन तथा न्यायिक प्रकृया सम्बन्धी प्रशिक्षण गरिएकोले अव वडाबाटै न्यायीक मुद्धा हेर्न सजिलो हुने बुढिनन्दा नगरपालिकाकी उप प्रमुख श्रृष्टी रेग्मीले बताएकी छन ।

विज्ञापन

न्यायिक समितिले १,२,३,४ र ५ का वडा अध्यक्ष तथा बुढीनन्दा नगरपालिकाका मेलमिलापकर्ताहरुसंग वडा मेलमिलापकर्ताहरुलाई प्रभावकारी गराउने, न्यायिक प्रकृया, न्यायिक समितिको अधिकार क्षेत्र लगायतका न्यायिक समितिका अधिकार क्षेत्रहरुको बारेमा छलफल गरेको उप प्रमुख रेग्मीले बताएकी छन ।

न्यायिक मुद्दाहरु वडा स्तरबाट नै मेलमिलाप मार्फत समाधान गर्नको लागि नगरभित्रका १० वटै वडा स्तरिय मेलमिलाप केन्द्रहरुलाई आवश्यक फर्निचर, स्टेशनरि प्रदान गर्नुका साथै वडाका मेलमिलाप कर्ताहरु संग सोमबार अन्तरक्रिया गरिएको नगरउपप्रमुख रेग्मीको भनाईछ । प्रशिक्षण कार्यक्रममा प्रहरी निरीक्षक देबेन्द्र जोशीले महिला हिंसा, सामाजिक कुरुती सम्बन्धी कानुनका बिषयमा प्रशिक्षण गरेका थिए ।