नागरिक रैबार/बाजुरा २३ जेठ। साईन नेपाल धनगढीले बुढीगंगा नगरापालिकामा कोरोना रोकथाम तथा नियन्त्रणका लागि स्वास्थ्य सामाग्री हस्तान्तरण गरेको छ ।
साईन नेपालले कोभिड-१९ रिलिफ सपोर्ट परियोजना अन्तर्गत बुढीगंगा नगरपालिकालाई कनसेन्ट्रेटर १० लिटर र ५ लिटर गरी २ वटा, नेबुलाइजर २ वटा, पल्स अक्सिमिटर ३ वटा, पिपिई लगाएतका उपकरण तथा स्वास्थ्य सामाग्रीहरु हस्तान्तरण गरेको नगरप्रमुख दिपक विक्रम शाहले बताएका छन् ।
उनले भने साईन नेपालबाट नगरपालिकालाई प्रदान गरिएको कन्सेन्ट्रेटरले अक्सिजनको कमी भएका बिरामीहरुका लागि उपचारमा निकै सहज हुने छ ।
बुढीगंगा नगरपालिकामा कोरोना रोकथाम तथा नियन्त्रणका लागि स्वास्थ्य सामाग्री हस्तान्तरण गरेपछि साइन नेपाललाई नगरप्रमुख शाहले धन्यवाद व्यक्त गरेका छन् ।
फेसबुक प्रतिक्रियाहरु