नागरिक रैबार/बाजुरा ७ फागुन। घरबाट विद्यालयमा पढ्न जान्छु भनेर भारत जान लागेका ३ जना बालकलाई जिल्ला प्रहरी कार्यालय बाजुराले उद्धार गरेको छ ।

घरबाट भागेर भारत जान लागेका बुढीनन्दा नगरपालिका वडा नं. ६ का दलचना राउतका १६ वर्षिया छोरा नृप राज राउत सोही वडाका मनलाल सुनारका १५ वर्षिया छोरा सुमन सुनार र मन बहादुर रावतका १५ वर्षिया छोरा रोशन राउत रहेका छन् । उनीहरुलाई बुधबार जिल्ला प्रहरी कार्यालय बाजुराले सदरमुकाम मार्तडीमा रहेको बसपार्कबाट उद्धार गरेको हो ।

विज्ञापन

घरबाट भागेका तिनै जना बालक भारततीर जान लागेको थाहा पाएपछि प्रहरीको टोलीले उद्धार गरेर आफन्तको जिम्मा लगाएको जिल्ला प्रहरी कार्यालय बाजुराका प्रहरी निरिक्षक दानबहादुर रोकायाले जानकारी दिएका छन् ।

उनीहरु तिनै जना बालक फागुन ५ गते साँझ घरबाट भागेर विद्यालयमा पढ्न जान्छु भनि बिद्यालय नगई भारत तर्फ जान लागेको जिल्ला प्रहरी कार्यालय बाजुराले जनाएको छ ।