नागरिक रैबार/बाजुरा २४ असार। जिल्लाको जगन्नाथ गाउपालिका वडा नं ५ गोत्री, स्थायी घर भई हाल काठमाडौ जिल्ला गोकणेश्वर नगरपालिकाको शनिष्टार गाउँमा बस्दै आईरहेका ४३ वर्षका नरजित शाही दुई बर्ष अगाडि आफ्नो श्रीमतिको उपचार गर्न र छोरा छोरिको भबिस्य उज्जल बनाउन काठमाण्डौ गएका थिए । शाहि केही महिना देखि कम्मरको नसा च्यापिएर थला परे पछि अहिले घरमै तड्पिएका छन ।
बिगत २ बर्ष देखी शाहि एउटा गाई पालन फर्ममा काम गर्दै आफ्नो श्रीमती र १२ बर्ष भन्दा मुनिका ५ जना सन्तानको कष्टका साथ पालनपोषण गर्दै गुजारा चलाईरहेका थिए । ७ महिना देखी शाहिको कम्मरको नसा च्यापिएर थला परिरेपछि उनको आर्थिक बिपन्नताका कारण उपचार प्रक्रिया अघि बढ्न नसकेको शाहिका आफन्तले बाताएका छन् ।
विरामले थला परेपछि शाहीलाई आफ्नो उपचार खर्च परिवारको जोहो गर्न निकै समस्या हुँदै आएको छ । बिर अस्पतालमा उपचारको लागि राखिएता पनि उनको अप्रेसन गर्नु पर्ने हुँदा उनको अप्रेसन गर्न मामुलि चार लाख रुपैया जति लाग्ने भएकाले उनिसंग आर्थिक अबस्था कमजोर भएकाले उनलाई अस्पताले रिफर गरेको थियो । उनी विरामले थला परेपछि उनको उपचारको त कुरै पर छोड उनका श्रीमती र ५ सन्तान लाई बिहान बेलुकाको छाक टार्न समस्या समेत भएको छ ।
नरजित शाहीको यो समस्यालाई बुझेर उनको परिवारको दैनिकी र नरजित शाहीको उपचार खर्च जुटाउन काठमाण्डौमा सामाजिक अभियान्ता मनोज सिंह ठकुरी लागि रहेका छन् । कोरोना महामारीको कारणले बाजुरा स्थायी घर भई उपत्यकाको विभिन्न ठाउँमा ज्याला मजदुरी गरिरहेका मजदुर र कोभिड १९ को कारणले अफ्ठ्यारो अवस्थामा परेका बिधार्थीहरुलाई खाध्यान्न राहत बाँड्दै गरेको अवस्थामा शाहि संग भेट भएको अभियान्ता मनोज सिँहले बताए । शाहिको परिवारलाई खाद्यन्न र उनको पुणर् उपचार गर्ने बाचा सहित अभियान्ता मनोज सिंहले बिर अस्पतालमा शाहीको उपचार प्रक्रिया अघि बढाएको बताएका छन् ।
नरजित शाहीको उपचारको समस्या मात्र नभई उहाँको परिवारमा दैनिक गुजाराको पनि समस्या भएको कारण उहाँ र उहाँको परिवारलाई आर्थिक, खाद्यान्न र लत्ताकपडाको सहयोग गरिदिनहुन सम्पुणर् सहयोगी मनहरुलाई समेत हार्दिक अपिल गरेका छन । सहयोग गर्न चाहाने महानुभावले सामाजिक अभियन्ता तथा यस सहयोगमा सक्रिय मनोज सिंह 9864531983 मा सम्पर्क गर्नुहोला ।
फेसबुक प्रतिक्रियाहरु