नागरिक रैबार/बाजुरा २० पुस। हिमाली गाउँपालिकाको धुलाचौरबाट कोल्टी तर्फ आउँदै गरेको जीप बाँधु नजिकैको कालापडा भिरमा दुर्घटनामा परि मृत्यु भएकाहरुको ४ दिनपछि पोष्टमार्टम गरिएको छ ।
प्राथमिक स्वास्थ्य केन्द्र कोल्टीमा डाक्टर नहुँदा शव पोष्टमार्टममा ढिलाई भएको थियो । शव पोष्टमार्टमका लागि शनिवार जिल्ला अस्पताल बाजुराबा डाक्टर राजु जैशी नेतृत्वको चिकित्सक टोली झिकाईपछि ४ ओटै शवको पोष्टमार्टम गरिएको हो । शव पोष्टमार्टमपछि आफन्तहरुले बुझेका छन् ।
गत विहिबार दिउसो धुलाचौरबाट कोल्टी तर्फ आउँदै गरेको जीप दुर्घटनामा परि ४ चार जनाको घटना स्थलमै मृत्यु भएको थियो भने अन्य ५ जना घाइते भएका थिए ।
विज्ञापन
जीप दुर्घटनामा परि मृत्यु हुनेमा जगन्नाथ गाँउपालिका ५ गोत्रीका जीपमालिक तथा चालक रमेश शाही, हिमाली गाँउपालिका ६ का पवन भण्डारी, कैलाली महोन्याल गाँउपालिका ५ का दिनेश कुमार घर्ती मगर र मुगुको कर्मारोड गाँउपालिका ८ का प्रेमा लामा रहेका थिए ।
से १ ज १०६४ नम्बरको जीप दुर्घटना भएर ५ सय मिटर तल कर्णाली नदिमा खसेको थियो । जीप दुर्घटनामा परेर घाइते भएकाहरुको जिल्लाबाहिर उपचार भईरहेको छ ।
फेसबुक प्रतिक्रियाहरु