नागरिक रैबार/बाजुरा १८ मंसिर। बाजुराको सदरमुकाम मार्तडीस्थित एक निजी विद्यालयले विविआर सिसि क्यामरा जडान गरेको छ । बडीमालिक नगरपालिका ९ दुनीहाटबहादुरमा अवस्थित क्रिएटर जोन एकेडेमीले विद्यालयमा विविआर सिसि क्यामरा जडान गरेको हो ।

विद्यालयमा अध्ययनरत विद्यार्थी र विद्यालयमा अध्यापन गराउँदै आएका शिक्षकहरुको क्रियाकलापको चेकजाँच तथा निगरानी गर्न विद्यालयको हाता भित्रको सुरक्षाका लागि विद्यालयको भवनको चार तलाको ग्यालरीमा ४ वटा र विद्यालयको खेलमैदानको निगरानीका लागि ३ वटा गरी ७ वटा विविआर सिसि क्यामरा जडान गरिएको क्रियटर जोन एकेडेमीका प्रिन्सिपल तथा संचाकल मिनबहादुर कार्कीले बताएका छन् ।

क्रिएटर जाने एकेडेमीले विद्यालयमा प्रविधिको विकासलाई प्रयोग गर्नका लागि विद्यालय परिसरभित्र सिसि क्यामेरा जडानसंगै विद्युतीय हाजिरी मेशिन समेत जडान गरिएको छ । शिक्षकलाई जिम्मेवार बनाउन र विद्यार्थीहरुलाई अनुशासनमा राख्न समेत सिसि क्यामरा जडानले मद्दत पुग्ने क्रियटर जोन एकेडेमीका प्रिन्सिपल तथा संचालक कार्कीले बताएका छन् ।

विज्ञापन

विद्यालयमा सिसि क्यामेरा र विद्युतीय हाँजिरी जडान भएसँगै विद्यालयको शैक्षिक सुधारमा पनि टेवा पुग्ने आशा लिएको विद्यालयका व्यवस्थापक मानबहादुर कार्कीले बताएका छन् ।
बाजुरा जिल्लामा निजि मध्येकै उत्कृष्ठ विद्यालय स्थापित गर्नका लागि विद्यालयले विभिन्न शैक्षिक सामाग्री व्यवस्थापन, पुस्तकालय व्यस्थापन, कम्प्युटर कक्षा सञ्चालन लगायतका त्रियाकलापहरुमा जोड दिएर अघि बडीरहेको छ ।

वि.स. २०६८ सालमा नर्सरी देखि कक्षा ५ सम्मको अनुमति लिएर संचालन गरेको सो विद्यालयले अहिले १० कक्षा सम्मको अनुमति लिएर पढाई संचालन गर्दै आईरहेको छ ।
विद्यालयले विद्यालयमा प्रयाप्त भौतिक पुर्वाधारसंगै गुणस्तरीय शिक्षा प्रदान गर्दै आएपछि सो विद्यालयमा अध्ययन गर्ने विद्यार्थीहरुको संख्या वर्षेनी बढ्दै गएको देखिन्छ ।

बाजुरामा हाल २२ वटा निजि विद्यालयहरु संचालन भईरहेका छन् । तर २२ वटा निजी विद्यालयहरुमध्ये सिसि क्यामरा र विद्युतीय हाँजिरी जडान गर्नेमा क्रियटर जोन एकेडेमी पहिलो निजि विद्यालयका रुपमा स्थापित बनेको छ ।