नेकपाका सुदुरपश्चिम प्रदेशका नौ जिल्ला मध्ये तीन जिल्लाका सचिवले सपथ बहिष्कार गरेका छन् । वरियतामा तल पारेको भन्दै असहमति जनाएका ३ सचिव भने आइतबार आयोजित सपथ कार्यक्रममा उपस्थित नै भएनन् ।
तत्कालिन नेकपाका डडेल्धुरा पूर्वजिल्ला अध्यक्ष डा.तारा जोशी, बझाङका तत्कालिन एमालेका पूर्वअध्यक्ष दिलबहादुर सिंह र दार्चुलाका तत्कालिन एमालेका पूर्वअध्यक्ष रामदत्त जोशीले सपथ बहिस्कार गरेका हुन् । उनीहरुले समायोजनको मापदण्ड अव्यवहारिक र अवैज्ञानिक भएको आरोप लगाएका छन् ।
विज्ञापन
यता नेकपाका सुदुरपश्चिम प्रदेशका नौ वटै जिल्लाका अध्यक्ष र छ जिल्लाका सचिवले भने पद तथा गोपनियताको सपथ खाएका छन् । नेकपाको प्रदेश कार्यालयमा आयोजित एक कार्यक्रमकाबीच नेकपाका सुदुरपश्चिम इन्चार्ज भीम रावलले सपथ खुवाएका हुन् ।
सुदुरपश्चिमका ९ जिल्ला मध्ये तत्कालिन एमालेका भागमा ५ अध्यक्ष र माओवादीका भागमा ४ जना अध्यक्ष हुने गरी भागवण्डा गरिएको थियो ।
फेसबुक प्रतिक्रियाहरु