नागरिक रैबार। बाजुराको बुढीगंगा नगरपालिकाले नगरभित्रका सामुदायिक विद्यालयबाट एसईईको मौका परीक्षामा सहभागी हुने विद्यार्थीहरुका लागि निःशुल्क तयारी कक्षा सञ्चालन गर्ने भएको छ ।

नगरपालिकाले बिहिबार एक सूचना जारी गर्दै नगरभित्रका सामुदायिक विद्यालयबाट एसईई मौका परीक्षामा सहभागी हुने विद्यार्थीका लागि अंग्रेजी, गणित र विज्ञान विषयको निःशुल्क परीक्षा विशेष तयारी कक्षा सञ्चालन गर्ने प्रमुख प्रशासकीय अधिकृत नरेन्द्र नाथले बताएका छन् ।

नगरपालिकाले नगरका दुई स्थान बडीमालिका क्याम्पस फालासैन र त्रिशक्ती माध्यामिक विद्यालय बाह्रबिसमा तयारी कक्षा सञ्चालन गर्ने भएको हो ।

सूचना मार्फत पालिककाका सबै सामुदायिक विद्यालयका विद्यार्थीहरुलाई आफ्नो पायक पर्ने स्थानमा निःशुल्क तयारी कक्षामा सहभागी बन्न स्थानीय सरकारले आग्रह समेत गरेको छ ।