जगन्नाथका बाढीपहिरोबाट विस्थापित परिवारलाई सुरक्षित ठाउँमा सारिदै
समाचार
जगन्नाथका बाढीपहिरोबाट विस्थापित परिवारलाई सुरक्षित ठाउँमा सारिदै
नागरिक रैबार
आइतवार, चैत्र ४, २०८०
अ
अ
अ
नागरिक रैबार/बाजुरा ४ चैत। बाजुराको जगन्नाथ गाउँपालिका-६ पाल्त्याडी गाउँका बाढीपहिरोबाट विस्थापित बनेका ४६ परिवारलाई सुरक्षित ठाउँमा सारिने भएको छ । २०७९ असोज १९ देखि २५ गतेसम्म आएको अविरल बर्षाका कारण बाढी पहिरोबाट विस्थापित बनेका उनीहरुलाइ सुरक्षित ठाउँमा सार्न लागिएको हो ।
गाउँपालिका भरिमा बाढी पहिरोका कारण १ सय १० परिवार पूर्ण रुपमा विस्थापित छन् । यि मध्ये वडा नम्वर ६ काे पाल्त्याडी गाउँका ४६ घरपरिवारलाई पहिलो चरणमा सुरक्षित ठाउँ ओसतोलीमा सार्न लागिएको गाउँपालिकाका प्रवक्ता गणेशराज गिरीले बताएका छन् । बाढी पहिरोका कारण विस्थापित बनेका पाल्त्याडीका ४६ घर परिवारहरु अहिले अस्थायी छानोमा बसोवास गरिरहेका छन् ।
गाउँपालिकामा बाढी पहिरोका कारण विस्थापित बनेका १ सय १० परिवारका लागि पुननिर्माण प्राधिकरण र गाउँपालिकाको गरि साढे ५ लाख रकम लगानीमा नयाँ घरहरु निर्माण भइरहेका छन् ।
विज्ञापन
गाउँपालिकाले बाढी पहिरोले पुर्ण रूपमा क्षेती भएका १ सय १० घर पुनःनिर्माणको काम सुरू भएको जगन्नाथ गाउँपालिकाका प्रवक्ता गणेशराज गिरीले बताएका छन् । पालिकाभित्र जोखिममा रहेका घर परिवारहरूको पहिचान गरि पुनःनिर्माणको कार्य थालनी गरिएको प्रवक्ता गिरीले बताएका छन् ।
निर्माणाधिन घरहरुको पहिलो किस्ता रकम भुक्तानी भैसकेको र दोस्रो किस्ता भुक्तानीको प्रक्रिया अन्तिम चरणमा रहेको गाउँपालिकाले जनाएको छ । त्यस्तै २०७९ माघ १० र ८० असोज १७ गते गएको भुकम्पबाट क्षेती भएका घरहरूको पुन निर्माणका लागि पहल भईरहेको गाउँपालिकाले जनाएको छ ।
फेसबुक प्रतिक्रियाहरु