काठमाडौं । एमाले अध्यक्ष केपी शर्मा ओलीले नेकपा एकीकृत समाजवादीका नेताहरूसँग छुट्टाछुट्टै संवाद थालेका छन् ।
राष्ट्रपति निर्वाचन पेचिलो भइरहेका बेला ओलीले एकीकृत समाजवादीका नेतासँग छुट्टाछुट्टै संवाद थालेका हुन् ।अध्यक्ष ओलीले मंगलबार नेकपा एकीकृतका सांसद तथा पूर्वमन्त्री समेत रहेका किसान श्रेष्ठलाई बालकोटमै बोलाएर संवाद गरेका छन् ।
त्यसक्रममा उनले पार्टी एकताबारे धारणा बुझ्ने प्रयास गरेका छन् । सोमबारमात्रै ओलीले अध्यक्ष माधवकुमार नेपालसँग भेटेर राष्ट्रपतिको उम्मेदवार बन्न र पार्टी एकता गर्न प्रस्ताव राखेका थिए ।
विज्ञापन
ओलीसँगको भेटमा सांसद श्रेष्ठले प्रधानमन्त्री प्रचण्ड र कांग्रेस सभापति शेरबहादुर देउवालाई पनि सहमतिमा ल्याउन सुझाव दिएको बताएका छन् ।
फेसबुक प्रतिक्रियाहरु