नागरिक रैबार/बाजुरा २ फागुन। जिल्लाको बडीमालिका नगरपालिका वडा नम्बर ७ का १ सय जना विद्यार्थीहरुलाई न्यानो लुगा वितरण गरिएकाे छ ।

सामाजिक सेवा समूह फाउन्डेसन बुटवलको सहयोग तथा वडा अध्यक्ष धर्मराज पाध्यायको पहलमा वडा भित्रका ४ वटा विद्यालयका १ सय जना बालवालिकालाई न्यानो लुगा वितरण गरिएको वडा सचिव सरिता ठकुल्लाले बताएकी छन् ।

विज्ञापन

उनका अनुसार वडामा रहेकाे लक्ष्मी माध्यमिक बिद्यालय, ज्ञानोदय माध्यमिक बिद्यालय, सरस्वती आधारभुत बिद्यालय र कालिका अधारभुत बिद्यालयका करिव एक सय बढी बालबालिकालाई जकेट टोपी लगायतका साम्रगीहरु बितरण गरिएको हो ।

वडा अध्यक्ष पाध्यायाले यस अघि पनि शान्ती सेवा गृहको सहयोगमा वडा भित्रका ४ वटै बिद्यालयका बालबालिकाहरुलाई न्यानो लुगा बितरण गरेका थिए ।