नागरिक रैबार/३०असार, बाजुरा । बाजुरा जिल्ला साक्षर जिल्ला घोषणा गरिएको छ । आज एक कार्यक्रमका बिच प्रतिनिधि सभाका सदस्य लालबहादुर थापाले जिल्लालाई साक्षर जिल्ला घोषणा गर्नुभएको हो ।
जिल्लाका ९ओटै स्थानिय तहका प्रमुख तथा शिक्षा संग संबंधित सरोकारवालाहरुको उपस्थितिमा साक्षर नेपाल बर्ष २०७६ को अवधारणा पत्र बमोजिम बाजुरा जिल्लाका ९ ओटै स्थानीय तहले विभिन्न मितिमा साक्षर स्थानीय तहले घोषणा गरेको घोषणा प्रतिवेदनका आधारमा जिल्लाको १५ देखि ६० बर्ष समुहका जम्मा जनसंख्या ९४ हजार २ सय ५ मा ९१ हजार ६ सय ७१अर्थात ९७ दशमलव ३१प्रतिशत जनसंख्याले साक्षर नेपाल बर्ष २०७६को अवधारणा पत्र बमोजिम सक्षमता पूरा गरेकोमा शिक्षा विकास तथा समन्वय इकाई बाजुरा द्वारा आयोजित कार्यक्रममा देशको ६०औं स्थानको रुपमा बाजुरा जिल्लालाइ साक्षर जिल्ला घोषणा गरिएको हो।
जिल्ला समन्वय अधिकारी किरण बिकको अध्यक्षतामा संचालन भएको कार्यक्रममा प्रमुख अतिथिका रुपमा बोल्दै प्रतिनिधि सभा सदस्य लालबहादुर थापाले अब जिल्लालाइ पुर्णसाक्षरता बनाउन सबैले आफु प्रतिबद्ध भएर लाग्ने र अरु सबै सरोकारवालाले पनि आ–आफ्नो क्षेत्रबाट भुमिका निभाउनु पर्ने बताउनु भयो । कार्यक्रमको संचालन भने बडिमालिका शिक्षा शाखाका प्रमुख रंगमल विकले गर्नुभएको हो ।
फेसबुक प्रतिक्रियाहरु