बलिउड अभिनेता सलमान खान र उनका पिता सलिम खानलाई आइतबार ज्यान मार्ने धम्कीसहितको चिट्ठी प्राप्त भएको छ । मुम्बई प्रहरीले यो मामिलामा एफआइआर दर्ता गरेको छ ।

समाचार एजेन्सी पिटिआईले एक अधिकारीलाई उद्धृत गर्दै आइतबार बिहान एक अज्ञात व्यक्तिले सलिम खानलाई उक्त चिट्ठी दिएको जानकारी दिए ।

अधिकारीले दिएको जानकारी अनुसार मर्निङ वाकपछि सलिम खान बान्द्राको ब्यान्डस्ट्यान्डमा बेन्चमा बसिरहेका बेला एक व्यक्तिले उनलाई एउटा चिट्ठी दिए जसमा उनले सलमान खानलाई ज्यान मार्ने धम्की दिएका छन् ।

विज्ञापन

Bollywood actor Salman Khan and his father Salim Khan receive anonymous letter threatening to kill them; FIR registered by Mumbai Police: Official

— Press Trust of India (@PTI_News) June 5, 2022
पछि सलिम खानले आफ्ना सुरक्षाकर्मीको मद्दतले प्रहरीलाई सम्पर्क गरे । यसबारे एफआईआर दर्ता गरिएको छ ।

समाचार एजेन्सी एएनआईका अनुसार मुम्बई प्रहरीले यो घटना आइतबार बिहान साढे सातदेखि ८ बजेको बीचको हो । एजेन्सी