मङ्लबार, बैशाख ७, २०७८
जोडिनुहोस
  • होमपेज
  • समाज
  • गोली लागेर गम्भीर घाइते भएका युवकको मृत्यु
समाज

गोली लागेर गम्भीर घाइते भएका युवकको मृत्यु

  • नागरिक रैबार
गोली लागेर गम्भीर घाइते भएका युवकको मृत्यु

१८ चैत, काठमाडौं । गोली लागेर गम्भीर घाइते भएका बैतडीका एक युवकको बुधबार मृत्यु भएको छ । मृत्यु हुनेमा मेलौली नगरपालिका–३ ढडौनका २५ वर्षीय लक्ष्मण चन्द रहेको प्रहरीले जनाएको छ ।

जिल्ला प्रहरी कार्यालय बैतडीका प्रमुख प्रहरी नायब उपरीक्षक नारायणप्रसाद अधिकारीका अनुसार गोेली लागेर घाइते भएका चन्दको जिल्लामा उपचार हुन नसकेपछि काठमाडौं रेफर गरिएको थियो । काठमाडौंमा पनि उपचार हुन नसक्ने भन्दै घर लैजान भनिएपछि अत्तरिया पुग्दा चन्दको मृत्यु भएको उनले बताए ।

 

विज्ञापन

चैत १४ गते घरमै रहेका बेला आफैंले बन्दूक चलाउँदा घाँटीमा गोली लागेर चन्द घाइते भएको प्रहरीले जनाएको छ । प्रहरी नायब उपरीक्षक अधिकारीका अनुसार चन्दको घरबाट बन्दूक बरामद गरिएको छ ।

उनले किन बन्दूक चलाए भन्ने विषयमा खुल्न नसकेको र थप अनुसन्धान भइरहेको प्रहरीले जनाएको छ ।

 

फेसबुक प्रतिक्रियाहरु

चर्चामा

सम्बन्धित समाचार