होमपेज केही सेकेण्डमा लोड हुनेछ।

Advertisement area

  • Skip this

Advertisement area

बिहिबार, चैत्र १५, २०८०
जोडिनुहोस
  • होमपेज
  • विचित्र संसार
  • जुत्ता चप्पल लगाउन नपाइने संसारकै अनौठो गाउँ
विचित्र संसार

जुत्ता चप्पल लगाउन नपाइने संसारकै अनौठो गाउँ

  • नागरिक रैबार
जुत्ता चप्पल लगाउन नपाइने संसारकै अनौठो गाउँ

आजकल मानिसहरु जुत्ता चप्पलविना त एक पाइला पनि हिड्न गाह्रो छ । यद्यपि गाउँघरतिरका कतिपय बुढापाका मानिसहरु भने जुत्ता चप्पल नलगाइकनै हिँडडुल गर्ने तथा मेलापात गर्ने गरेको समेत देखिन्छ ।

उता छिमेकी मुलुक भारतको एउटा गाउँमा त बुढापाका मात्र होइन कसैले पनि जुत्ता चप्पल लगाउन पाइँदैन । गाउँमा बस्ने बच्चादेखि बुढासँग सबैलाई जुत्ता चप्पल लगाउन बन्देज छ ।

 

विज्ञापन

दक्षिण भारतीय राज्य तमिलनाडुमा रहेको कलिमायन गाउँ सायद संसारको एकमात्र त्यस्तो गाउँ हो जहाँ मानिसहरुले जुत्ता चप्पल लगाउन पाउँदैनन् ।

यो गाउँ तमिलनाडुको प्रसिद्ध सहर मदुराईबाट ५० किलोमिटरको दूरीमा पर्दछ ।

यो गाउँमा युवा तथा प्रौढ र वृद्धावस्थाका मानिसहरुले त जुत्ता चप्पल लगाउँदैनन् नै । मानिसहरुका आफ्ना बालबालिकालाई समेत जुत्ता चप्पल लगाउन दिँदैनन् । यदि कसैले गल्तीले जुत्ता चप्पल लगाइहालेमा उसलाई कठोर सजायँ दिइन्छ ।

किन लगाइँदैन जुत्ता चप्पल ?

गाउँलेहरुको आस्था तथा विश्वासका आधारमा टिकेको छ जुत्ता चप्पल नलगाउने परम्परा । उक्त गाउँका मानिसहरु सदियौँदेखि अपाच्छी नामक देवताको पूजाआजा गर्दै आएका छन् । अपाच्छी देवताले नै आफुहरुको रक्षा गर्ने उनीहरुको विश्वास छ । आफ्नो रक्षक देवताको पवित्रता तथा आस्थाकै कारण उनीहरुले गाउँको सीमानाभित्र जुत्ता चप्पल लगाउनमा बन्देज लगाएका हुन् ।

गाउँको सीमाभित्र जुत्ता चप्पल लगाउन नपाएपछि गाउँलेहरु सिमाना बाहिर चाहिँ जुत्ता चप्पल लगाउँदछन् । कसैलाई कतै बाहिर जानु पर्‍यो भने गाउँको सिमाना पुग्ने बेलासम्म हातमै जुत्ता चप्पल बोकेर जान्छन् र गाउँको सीमा कटेपछि मात्र लगाउँछन् । त्यस्तै फर्किने बेलामा पनि सीमानामा आएर जुत्ता चप्पल फुकालेर हातमा समाउँदै गाउँमा छिर्दछन् । गाउँका विद्यार्थीहरु पनि जुत्ता चप्पल नलगाइकनै स्कूल जान्छन् ।

एजेन्सीको सहयोगमा

फेसबुक प्रतिक्रियाहरु

[gs-fb-comments]

चर्चामा

सम्बन्धित समाचार