प्रेस युनियनको केन्द्रीय महाधिवेशन काठमाडौंमा गर्न प्रस्ताव
समाचार
प्रेस युनियनको केन्द्रीय महाधिवेशन काठमाडौंमा गर्न प्रस्ताव
नागरिक रैबार
बुधबार, माघ २८, २०७७
अ
अ
अ
२८ माघ, काठमाडौं । नेपाल प्रेस युनियन काठमाडौं शाखाले केन्द्रीय महाधिवेशनको आयोजक बन्ने प्रस्ताव गरेको छ ।
शाखा अध्यक्ष जगन्नाथ दुलालको अध्यक्षतामा मंगलबार बसेको कार्यसमिति बैठकले महाधिवेशन काठमाडौंमा आयोजना गर्न केन्द्रीय समितिसमक्ष प्रस्ताव गरेको हो ।
बर्दियामा सम्पन्न केन्द्रीय समिति बैठकले केन्द्रीय महाधिवेशन आगामी जेठ १३ र १४ गते गर्ने तय गरे पनि स्थान भने तोकेको छैन ।
विज्ञापन
अध्यक्ष दुलालले केन्द्रीय महाधिवेशनका लागि सबैलाई काठमाडौं सहज हुने र झण्डै आधा महाधिवेशन प्रतिनिधि काठमाडौं र आसपासमै रहेकाले महाधिवेशनको खर्च पनि कम हुने तर्क गरे ।
त्यस्तै, बैठकले श्रमजीवी पत्रकार ऐन कार्यान्वयन नगरेका सञ्चार गृहलाई तत्काल कार्यान्वयन गर्न पनि ध्यानाकर्षण गराएको छ ।
फेसबुक प्रतिक्रियाहरु