वडाध्यक्षका छोरासहितको समूहद्वारा प्रहरीमाथि आक्रमण
अपराध
वडाध्यक्षका छोरासहितको समूहद्वारा प्रहरीमाथि आक्रमण
नागरिक रैबार
शनिबार, साउन ३, २०७७
अ
अ
अ
बाजुराको बुढीगंगा नगरपालिका–७ का वडाअध्यक्ष भुवन केसीका छोरासहितको समूहले प्रहरीमाथि आक्रमण गरेको छ । आक्रमणमा २ प्रहरी घाइते भएका छन् ।
आक्रमणबाट रिठा प्रहरी चौकीका इन्चार्ज र एक प्रहरी जवान घाइते भएका हुन् । घाइते उनीहरुको अछामको बयालपाटा अस्पतालमा उपचार भइरहको छ ।
जिल्ला प्रहरी कार्यालय बाजुराका प्रहरी नायव उपरीक्षक (डीएसपी) टंकप्रसाद भट्टराईका अनुसार बाजुराका एक व्यापारी कुटपिट गर्ने समूहलाई पक्राउ गर्न खोज्दा प्रहरीमाथि नै आक्रमण भएको हो ।
विज्ञापन
बुढीगंगा नगरपालिका–८ बेतालमाण्डौ बजारमा होटेल सञ्चालन गर्दै आएका व्यापारी पारस रावतलाई स्थानीय युवाहरूले कुटपीट गरेको उजुरीपछि पक्राउ गर्न गएको प्रहरीमाथि ढुंगामुढा प्रहार गरेका हुन् ।
ढुंगामुढा गर्ने वडाअध्यक्षका छोराको समूह फरार रहेको र खोजीकार्य भइरहेको प्रहरीले जनाएको छ ।
फेसबुक प्रतिक्रियाहरु