नागरिक रैबार/बाजुरा १७ साउन। नेपाल कम्युनिष्ट पार्टी (नेकपा) बडीमालिका नगरपालिका ९ नम्बर वडा संगठन कमिटीको अध्यक्षमा राजेश विक चयन भएका छन् ।

शनिबार एक औपचारीक कार्यक्रममा विच नेकपा बडीमालिका ९ नंम्बर वडा संगठन कमिटीको अध्यक्षमा राजेश विक र सचिवमा प्रकाश विष्ट चयन भएका हुन्।

तत्कालिन एमाले र माओवादी केन्द्रको एकता पछि २०७६ मंसिरमा गठन भएको नेकपा वडा संगठन कमिटीमा अध्यक्ष पद सम्हालेका गचे चंदाराले वडा संगठन कमिटीको आगामी कार्यकालको जिम्मेवारी बहन गर्न राजेश पायललाई समर्थन गरेपछि राजेश विकलाई ९ नम्बर वडा संगठन कमिटीको अध्यक्षमा चयन गरिएको हो ।

विज्ञापन

शनिबार ९ नम्बर वडा संगठन कमिटीले पहिलो वैठक राख्दै वडा कमिटीमा चयन भएका अध्यक्ष राजेश विक र सचिव प्रकाश विष्टलाई नेकपाको विधि र विधान अनुरुप पद तथा गोपनीयताको शपथ ग्रहण गराएको वडा संगठन कमिटीका ईन्चार्ज सुर्यकिरण विकले जानकारी दिए ।

नेकपा बडीमालिका नगरपालिका वडा नं. ९ को वडा संगठन कमिटीको पहिलो वैठक तथा नयाँ पदाधिकारीको शपथ ग्रहण कार्यक्रममा नेकपा बाजुराका जिल्ला कमिटी सदस्य एंव बडीमालिका नगरपालिका इन्चार्ज विनोद कुमार विक, नेकपा जिल्ला कमिटी सदस्य किट्टो लवार, काँशी नेपाली, काल्चे दमाई, ओमप्रकाश विक, ९ नंम्बर वडा संगठनका इन्चार्ज सुर्यकिरण विक लगायत नेकपाका १ सय बढी कार्यक्रर्ताहरु सहभागि रहेका थिए ।