काठमाडौं : पश्चिमबाट आएको पश्चिमी वायुले नेपालको मौसममा आंशिक प्रभाव देखिएको छ । जल तथा मौसम विज्ञान विभागको मौसम पूर्वानुमान महाशाखाको आइतबार बिहान ६ बजे निकालेको बुलेटिनमा देशका थोरै स्थानहरुमा हल्का वर्षाको सम्भावना रहेको उल्लेख छ। देशका धेरैजसो स्थानमा बिहानैदेखि बादल लागेर आकास धुम्मिरहेको छ।

विभागका अनुसार आइतबार देशभर सामान्य बदलि रहि मध्य र पुर्व र पश्चिमका एक दुइ स्थानमा हल्का वर्षाको सम्भावना रहेको छ।
सोमबार देशको मध्य तथा पूर्वी भू-भागमा आंशिकदेखि सामान्य बदली रही पश्चिमी भुभागमा आंशिक बदली रहनेछ। मध्य र पूर्वी पहाडका १/२  स्थानमा क्षणिक वर्षाको सम्भावना रहेको छ।

मंगलबार देशको पहाडी भू-भागमा आंशिकदेखि सामान्य बदली रही तराई भुभागमा आंशिक बदली रहनेछ। मध्य र पूर्वी पहाडका १/२  स्थानमा क्षणिक वर्षाको सम्भावना रहेको विभागको बुलेटिनमा उल्लेख छ।

विज्ञापन

 पूर्वी नेपालमा जून २० मा आगमन भएको मनसुन १२ अक्टुबरमा बाहिरिएको थियो। मौसम पूर्वानुमान महाशाखाका अनुसार औसत समयभन्दा १० दिन ढिलो सुरु भएको मनसुन औसतभन्दा १९ दिन ढिलो बाहिरिएको थियो ।