बैतडीमा मरेको कुखुराको मासु खाँदा किशोरीको मृत्यु, ९ जना बिरामी
समाचार
बैतडीमा मरेको कुखुराको मासु खाँदा किशोरीको मृत्यु, ९ जना बिरामी
नागरिक रैबार
मङ्लबार, मंसिर ३, २०७६
अ
अ
अ
३ मंसिर, बैतडी । बैतडीमा मरेको कुखुराको मासु खाँदा आज एक किशोरीको मृत्यु भएको छ । मृत्यु हुनेमा पुर्चौंडी नगरपालिका २ जरसौंका १५ बर्षीया पुष्पा पार्की रहेकी छिन् । मरेको मासु खाँदा एकैपरिवारका अन्य नौ जना बिरामी भएका छन् । शनिबार बेलुकी मरेको कुखुराको मासु घरपरिवारका सबै सदस्यले खाएको र आइतबारदेखि बिरामी परेका स्थानीय केशव पन्तले जानकारी दिएका छन् । मासु खाएपछि बान्ता हुने, झाडापाखला लगायतका लक्षण देखिएको छ । शनिबार राती देखि नै बिरामी पुष्पाको मंगलवार घरमै मृत्यु भएको हो ।
मासु खाएपछी ७० बर्षीय पार्वती पार्की, ३३ बर्षीया गंगा पार्की, ८ बर्षीय राकेश पार्की,३५ बर्षीय जानकी पार्की, १२ बर्षीय मनोज पार्की, १० बर्षीय रमेश पार्की, ६ बर्षीय भुवन पार्की, ६ बर्षीय रुपेश पार्की र ४ बर्षीय सपना पार्की बिरामी भएका छन् ।
फेसबुक प्रतिक्रियाहरु