बडीमालिका नगरपालिकाकाे कार्यालयमा बुधबार तालाबन्दी गर्दै स्थानीयहरु। तस्विर मदन विक
बुधबार, असार ४, २०७६
अ
अ
अ
रामबहादुर विक/बाजुरा ४ असार । बाजुराको सदरमुकाम मार्तडीमा विगत दुई महिनादेखि खानेपानीको अभाव भएपछि बडीमालिकाका नगरबासीहरुले बुधबार नगरपालिकाको कार्यालयमा तालाबन्दी गरेका छन् । जिल्लाको सदरमुकाम जस्तो ठाउँमा २ महिना देखि खानेपानी अभाव हु्ँदा समेत नगरपालिकाले कुनै चासो नदेखाएको भन्दै नगरबासीहरुले नगरपालिकामा तालबन्दी गरेका हुन् ।
बुधबार नगरबासीहरुद्धारा खानेपानीका, भाडा, वर्तन, पाईपलाईन सहित बजार परिक्रमा गर्दै नगरपालिकाको कार्यालयमा तालाबन्दी गरेका छन् ।
सदरमुकाम मार्तडीका धारामा पानी आउन छाडेको महिनौ वित्यो नगरपालिकाले सदरमुकाम मार्तडीको खानेपानी व्यवस्थपान गर्नका लागि १ करोड रकम खर्च गरेर ४ वटा खानेपानीका ट्याङकी निर्माण गरेको छ तर चार वटै ट्याङकीमा खानेपानी छैन् ।
खडेरीले एकातिर खानेपानीको मुहान सुक्दै गएको छ । आफुहरुले खानेपानीको प्रबन्ध मिलाउन पटक–पटक नगरपालिकालाई आग्रह गरेका भएपनि छिट्टै समस्या समाधान गछौँ भनेर टार्ने गरेकोले आफुहरुले नगरपालिकामा तालाबन्दी गर्न बाध्य भएको स्थानीय मिना विकले बताईन् ।
सदरमुकाममा पानीकै जोहो गर्न दैनिक लाईन बस्नुपर्ने बाध्यता रहेको स्थानीय महिला सुनिता रोकायाको भनाईछ ।
खानेपानीको लागि सदरमुकाम मार्तडीबासी घण्टौँ सम्म हिँडेर भम्क, पातल, थापाबाडा लगायतका ठाउँबाट खानेपानी बोकेर पिउनु पर्ने बाध्यता रहेको छ ।
बडीमालिका नगरपालिकाले खानेपानीलाई व्यवस्थित गर्ने बृहत योजना बनाएको भएपनि समयमै व्यवस्थापन हुन नसकेपछि सदरमुकाम मार्तडीबासी खानेपानी पिउनबाट वन्चित बन्दै गएका छन् । सदरमुकाम मार्तडीमा झण्डै १७ हजार बढी जनसंख्या बसोबास गर्छन् ।
फेसबुक प्रतिक्रियाहरु