राजेन्द्र रोकाया/बाजुरा ३० असार । बाजुराको बडीमालिका नगरपालिका ९ मा जन्मेका नव गायक शिशिर परियारले पहिलो आधुनिक गीत बजारमा ल्याएका छन् ।
नव गायक परियारको स्वरमा सम्झीनु भन्दिन बोलको आधुनिक गीत आईतबार बुढासुव्वा डिजिटल प्रालिको युटुब च्यानल मार्फत सार्वजनिक गरिएको हो ।
वि.स.२०७३ सालमा सदरमुकाम मार्तडीमा रहेको मालिका नमुना माविबाट एसईईको परिक्षा दिएर उच्च शिक्षा अध्ययनका लागि काठमाण्डौं गएका परियारले कृषि जेटिए प्राविधिक तर्फ पढाई गरेका थिए । कृषि जेटिएमा उत्तिण भएपछि उनले अहिले गायन पेशालाइ अगाल्नका लागि प्रयत्नरत छन् ।
विज्ञापन
उनको स्वरमा बजारमा आएको उक्त गीतले पनि राम्रै चर्चा पाएको छ । मालश्री स्टुडियोमा रेकर्ड गरिएको उक्त गीतलाई दिपक सँगम विसिले शव्द संगित एरेन्ज गरेका छन् । गीतलाई खड्क बाजुरालीले मिक्सिङ्ग गरेका हुन् ।
गीतमा विशुद्ध माया पिरतीका कुराकानी जोडिएका छन् । सम्झिनु भन्दिन, बिर्सनु भन्दिन साच्नु बाचुञ्जेल हाम्रो प्यार,, जस्ता शब्दहरु समेटिएका छन् । म्युजिक भिडियोको दृष्यमा देवराज आचार्य र मनिषा श्रेष्ठको अभिनय रहेको छ । गीतलाई देव मिडिया प्रालिले उत्पादन गरेको छ ।
फेसबुक प्रतिक्रियाहरु