नागरिक रैबार/बाजुरा २४ कार्तिक। बहुचर्चित म्युजिक एरेन्जर तथा सर्जक विनोद बाजुरालीको शव्द तथा लयमा चर्चित देउडा गायक लाल बहादुर धामी (अछामी बड्डा) को ‘ताउलो’ बोलको टिपिकल देउडा गीत सार्वजनिक भएको छ ।
आइतवार ‘म्यूजिक नेपाल’ को अफिसियल युट्युव च्यानलबाट उक्त गीतको म्युजिक भिडियो सार्वजनिक भएको हो ।‘ताउलो’ बोलको गीतमा देउडा गायक लाल बहादुर धामी र गायिका रेखा जोशीको स्वर रहेको छ । गीतको शव्द÷लय तथा संगित संयोजन विनोद बाजुरालीले गरेका हुन् ।
स्टुडियो मालश्रीमा रेकर्ड गरिएको उक्त गीतलाई खप्तड डिजिटल म्युजिक प्रालिले बजार व्यवस्थापन गरेको छ । गीतको म्यूजिक भिडियोको निर्देशन भीम थापाले गरेका हुन भने गीतको छायाकंन हरिस महरा र डिवि रौलेले गरेका हुन् ।
विज्ञापन
गीतको भिडियोमा गायक लाल बहादुर धामी र झरना बोहराले अभिनय गरेका छन् । गीतको केही भागको छायांकन बाजुराको त्रिवेणी नगरपालिकाको पैमामा गरिएको छ । धेरै पछि सामाजिक यथार्तपरकमा गीत तयार गरिएको सर्जक विनोद बाजुरालीको भनाईछ ।
फेसबुक प्रतिक्रियाहरु