बैतडीको पाटनमा खुल्ला टी-ट्वान्टी क्रिकेट प्रतियोगिता हुने भएको छ। पाटन क्रिकेट क्लबको आयोजनामा फागुन १३ गतेदेखि पाटन प्रिमियर लिग (पीपीएल) आयोजना हुन लागेको हो।

प्रतियोगिताको प्रथम हुनेलाई ५५ हजार ५ सय ५५ नगदसहित ट्रफी मेडल र प्रमाणपत्र प्रदान गरिने छ। त्यसैगरी दितिय पुरस्कार २२ हजार २ सय २२ नगदसहित ट्रफी, मेडल र प्रमाणपत्र रहेको आयोजकले जनाएको छ। प्रतियोगिताभर उत्कृष्ट प्रदर्शन गर्ने खेलाडीलाई ३ हजार ३३३ नगदसहित ट्रफी मेडल र प्रमाणपत्र प्रदान गरिने छ। बेस्ट ब्याट्सम्यान र बलरलाई समान १ हजार १११ नगदसहित ट्रफी मेडलर प्रमाणपत्र प्रदान गरिने जनाइएको छ।

प्रत्येक खेलहरुमा म्यान अफ द म्याच हुने खेलाडीलाई नगदको व्यवस्था गरिएको आयोजकले जनाएको छ। यहि फागुन ११ गते ५ बजेसम्म टिम दर्ता गरिसक्नु पर्ने जनाइएको छ। दर्ता शुल्क ६ हजार ५०० तोकिएको छ। प्रतियोगितामा जिल्ला बाहिरका टिमले पनि सहभागिता जनाउन पाउने छन्।

विज्ञापन